بۇگىن قازاقتىڭ تۇڭعىش ديكتورى مينا سەيىتوۆانىڭ تۋعان كۇنى, دەپ حابارلايدى Egemen.kz.
ۇلتتىق ۇنجارعىسى – قازاق راديوسىندا جىلدار بويى حالىققا قىزمەت ەتىپ, وعان تاعدىرىن بايلاعان جاندار قانشاما. سولاردىڭ ءبىرى – قازاق راديوسىنىڭ ارداگەرى, قازاقتىڭ تۇڭعىش ديكتورى مينا سەيىتوۆا.
مينا سەيىتوۆا 1919 جىلى 25 تامىزدا دۇنيەگە كەلگەن. ول قازاق راديوسىنىڭ تابالدىرىعىن العاش اتتاعان كەزدە نەبارى 15 جاستا بولدى. سودان باستاپ, 44 جىل ميكروفون الدىندا قىزمەت ەتىپ, تالاي ديكتورعا, سونىمەن قاتار, بيبىگۇل تولەگەنوۆا, ەرمەك سەركەباەۆ, مۇقاعالي ماقاتاەۆ سىندى ۇلتتىق مادەنيەتتىڭ مارقاسقالارىنا ۇستاز بولعان.
ءىى دۇنيەجۇزىلىك سوعىس كەزىندە اقپارات بيۋروسىنىڭ بارلىق اقپاراتى ماسكەۋدە لەۆيتاننىڭ ۇنىمەن تاراپ جاتسا, قازاق دالاسىنا ول مينا سەيىتوۆانىڭ داۋىسىمەن جەتكەن.