سىبايلاس جەمقورلىققا قارسى ءىس-قيمىل اگەنتتىگى Astana LRT جشس-نىڭ بۇرىنعى باسقارما توراعاسى تالعات اردانعا قاتىستى قىلمىستىق ءىستى تەرگەپ جاتىر. بۇل تۋرالى Egemen.kz انتيكورعا سىلتەمە جاساپ حابارلايدى.
- قازىرگى ۋاقىتتا تەرگەۋ ناتيجەسىندە اۋىر قىلمىس جاساۋدا جينالعان دالەلدەر كۇدىكتى ت. اردان ارەكەتتەرىن قىلمىستىق كودەكسىنىڭ 361-بابى 4-بولىگى 3-تارماعى بويىنشا سارالاۋعا مۇمكىندىك بەردى. قىلمىستىق-پروتسەستىك كودەكسىنىڭ 208-بابى 1-بولىگىنە سايكەس كۇدىكتى جاۋاپ الۋعا شاقىرىلادى, - دەلىنگەن حابارلامادا.
انتيكور مالىمەتىنشە, كۇدىكتى ت. اردان قازاقستان رەسپۋبليكاسىنان تىس جەردە بولۋىنا جانە كەلۋدەن جالتارۋىنا بايلانىستى سىبايلاس جەمقورلىققا قارسى قىزمەت قپك-ءنىڭ 205-بابىنىڭ 3-بولىگىن باسشىلىققا الا وتىرىپ, كۇدىكتىنى شاقىرۋ تۋرالى حابارلامانى بۇقارالىق اقپارات قۇرالدارىندا جاريالايدى.
- جاۋاپ الۋ جانە كۇدىكتىنىڭ ءىس-ارەكەتىن سارالاۋ تۋرالى قاۋلىنى جاريالاۋ ءۇشىن ت. اردان 2024 جىلى 23 تامىزدا ساعات 09:00-دە قازاقستان رەسپۋبليكاسى, استانا قالاسى, قابانباي باتىر داڭعىلى, 19, ب بلوگى مەكەنجايىندا ورنالاسقان قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ اكىمشىلىك عيماراتىنا جەدەل-تەرگەۋ توبىنىڭ باسشىسى ج. وتەپقاليەۆكە كەلۋ قاجەت. كۇدىكتى تەرگەۋ ارەكەتتەرىنە قاتىسۋ ءۇشىن قورعاۋشىنى دەربەس شاقىرۋعا نە قىلمىستىق پروتسەستى جۇرگىزۋشى ورگاننىڭ قورعاۋشىنىڭ قاتىسۋىن قامتاماسىز ەتۋ تۋرالى ءوتىنىشحات بەرۋگە قۇقىلى (قپك 68-بابى), - دەدى قۇزىرلى ورگان وكىلدەرى.
ەگەر قورعاۋشىنى كۇدىكتى نەمەسە ونىڭ زاڭدى وكىلدەرى, سونداي-اق ولاردىڭ تاپسىرمالارى بويىنشا باسقا ادامدار شاقىرماسا, قورعاۋشىنىڭ قاتىسۋىن قىلمىستىق پروتسەستى جۇرگىزەتىن ورگان قامتاماسىز ەتەدى ( قپك 67-بابى).