بۇگىن حاتلون وبلىسىنىڭ اكىمشىلىك ورتالىعى – بوحتار قالاسىندا قازاقستاننان كەلگەن قوناقتار دەلەگاتسياسىن ەرەكشە ىقىلاسپەن قارسى الدى, دەپ حابارلايدى Egemen.kz حوۆار اگەنتتىگىنە سىلتەمە جاساپ.
سالتاناتتى كەزدەسۋ ءراسىمى بوحتار قالاسىنىڭ مەملەكەتتىك تۋ الاڭىندا بوحتار قالاسىنىڭ توراعاسى ابدۋلماجيد مۋمينزودانىڭ قاتىسۋىمەن وتكەن.
قازاقستان دەلەگاتسياسى «اۆاستو» وبلىستىق تاريحي-ولكەتانۋ مۇراجايىنا بارعان. الداعى ۋاقىتتا قوناقتار جوسپارلانعان مادەني باعدارلامانى دا تاماشالايدى.
ايتا كەتەيىك, 21-23 تامىز ارالىعىندا بوحتار قالاسىندا قازاقستاننىڭ مادەني كۇندەرى وتەدى.
ەسكە سالا كەتەيىك, 22-23 تامىزدا پرەزيدەنت ەمومالي راحموننىڭ شاقىرۋىمەن قازاقستان پرەزيدەنتى قاسىم-جومارت توقاەۆ تاجىكستانعا مەملەكەتتىك ساپارمەن بارادى.
سونىمەن قاتار دۋشانبەدە قازاقستان مەن تاجىكستان اراسىنداعى ساۋدا-ينۆەستيتسيالىق فورۋم وتكەن ەدى. قازاقستان مەن تاجىكستان جاقىن ارادا تاۋار اينالىمىن 2 ميلليارد دوللارعا جەتكىزۋدى جوسپارلاپ وتىرعانى بەلگىلى بولدى.