دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق قىزمەتى استانا جانە الماتى حالىقارالىق اۋەجايلارىندا مايمىل شەشەگى سياقتى كارانتيندىك جانە اسا قاۋىپتى ينفەكتسيا بەلگىلەرى بار ادامداردى انىقتاۋ بويىنشا وقۋ-جاتتىعۋ وتكىزدى, دەپ جازادى Egemen.kz.
وقۋ-جاتتىعۋ كەزىندە سانيتاريالىق-ەپيدەميولوگيالىق, شەكارالىق, كەدەندىك, سونداي-اق اۋەجاي, جەلىلىك پوليتسيا ءبولىمى, اۋەجايدىڭ مەديتسينالىق پۋنكتى, جەدەل مەديتسينالىق كومەك جانە مەديتسينالىق ۇيىمداردىڭ ءوزارا ءىس-قيمىلى پىسىقتالدى.
وقۋ-جاتتىعۋ بارىسىندا شارتتى تۇردەگى مايمىل شەشەگىن جۇقتىرعان ناۋقاس انىقتالدى. پەرسونال جولاۋشىدان اۋرۋ بەلگىلەرىن انىقتاۋدان باستاپ ونى اۋرۋحاناعا جاتقىزۋعا جانە قاجەتتى ەپيدەمياعا قارسى جانە دەزينفەكتسيالىق شارالاردى جۇرگىزۋگە دەيىنگى ءىس-شارالاردىڭ تولىق تسيكلىن وتكىزدى.
شارا ناتيجەسىندە سەمينار-كەڭەس وتكىزىلىپ, وندا ءار قىزمەتتىڭ ءىس-قيمىلى تالقىلانىپ, مەكەمەلەردىڭ ءوزارا ءىس-قيمىلىن كۇشەيتۋ بويىنشا ۇسىنىستار ەنگىزىلدى.