قىزىلوردا وبلىستىق سوتى 16 جاستاعى قىزدى جەزوكشەلىكپەن اينالىسۋعا ماجبۇرلەدى دەگەن كۇدىكپەن كامەلەتكە تولماعان بالالاردى ەكى ايعا قاماۋعا الدى, دەپ حابارلايدى Egemen.kz سوتتىڭ ءباسپاسوز قىزمەتىنە سىلتەمە جاساپ.
«قازاقستان رەسپۋبليكاسى قك-ءنىڭ 134-بابى 3-بولىگى 1-تارماعى بويىنشا كامەلەتكە تولماعان كۇدىكتىلەر ق. ا. جانە م.-گە قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسىن سانكتسيالاۋ تۋرالى تەرگەۋشىنىڭ ءوتىنىشحاتى قىزىلوردا قالاسىنىڭ مامانداندىرىلعان تەرگەۋ سوتىنا ءتۇسىپ, سوت قاۋلىلارىمەن تەرگەۋشىنىڭ ءوتىنىشحاتى قاناعاتتاندىرۋسىز قالدىرىلىپ, كامەلەتكە تولماعان كۇدىكتىلەرگە 2 اي مەرزىمگە ء«ۇي قاماق» تۇرىندەگى بۇلتارتپاۋ شاراسى تاڭدالا وتىرىپ, قپك-ءنىڭ 147-بابىنىڭ 2- بولىگىنىڭ 1,5 تارماقتارى بويىنشا شەكتەۋلەر قولدانىلعان», دەلىنگەن حابارلامادا.
سونداي-اق قىزىلوردا وبلىستىق سوتىنىڭ قىلمىستىق ىستەر جونىندەگى سوت القاسى سوت اكتىلەرىنە جابىرلەنۋشىنىڭ وكىلىنەن كەلىپ تۇسكەن شاعىمداردى قاراپ, كۇدىكتىلەردىڭ جاساعان ارەكەتتەرىنىڭ اۋىرلىق دارەجەسىن, كۇدىكتىلەردى سوت ءىسىن جۇرگىزۋگە كەدەرگى جاسايدى نەمەسە تەرگەۋدەن جانە سوتتان جاسىرىنادى دەپ پايىمداۋعا جەتكىلىكتى نەگىزدەر بولعانىن ەسكەرە وتىرىپ, شاعىمدى قاناعاتتاندىرىپ, تەرگەۋ سوتىنىڭ قاۋلىلارىن وزگەرتىپ, كۇدىكتىلەرگە 2 اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسىن قولدانۋ تۋرالى قاۋلى شىعاردى.
ايتا كەتەيىك, بۇعان دەيىن جەلىدە قىزىلوردادا 16 جاستاعى قىزدى جەزوكشەلىكپەن اينالىسۋعا ماجبۇرلەگەن دەگەن اقپارات تاراعان بولاتىن.
ءىىم اتالعان دەرەك بويىنشا قىلمىستىق ءىس تىركەلىپ, كامەلەتكە تولماعان كۇدىكتىلەر ۋاقىتشا ۇستاۋ يزولياتورىنا قامالعانىن مالىمدەگەن ەدى. تەرگەۋ سوتىمەن كۇدىكتىلەرگە قاتىستى ۇيقاماق بۇلتارتپاۋ شاراسى قولدانىلعان.