استانا اكىمدىگى جوعارى وقۋ ورىندارىنا 850-گە جۋىق گرانت ءبولدى

2024-2028 وقۋ جىلدارىنا استانا اكىمدىگى جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا 858 ءبىلىم بەرۋ گرانتىن ءبولدى.   استانا اكىمدىگىنىڭ ءبىلىم گرانتتارى ەلىمىزدىڭ سەگىز جوعارى وقۋ ورنىندا وقۋ مۇمكىندىگىن بەرەدى:    1) «ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى» كەاق;   2) «استانا حالىقارالىق ۋنيۆەرسيتەتى» جشس;   3) «ا. قۇسايىنوۆ اتىنداعى ەۋرازيا گۋمانيتارلىق ينستيتۋتى»;   4) «دەنە شىنىقتىرۋ جانە بۇقارالىق سپورت اكادەمياسى» جشس;   5) ء«ا.مارعۇلان اتىنداعى پاۆلودار پەداگوگيكالىق ۋنيۆەرسيتەتى» كەاق;    6) «ا.بايتۇرسىن ۇلى اتىنداعى قوستاناي مەملەكەتتىك ۋنيۆەرسيتەتى»;   7) «ۇلتتىق عىلىمي ونكولوگيالىق ورتالىق» كەاق;   8) «استانا مەديتسينا ۋنيۆەرسيتەتى» كەاق.   ءبىلىم بەرۋ گرانتى ۇلەستىرىلەتىن كونكۋرسقا ەلىمىزدىڭ تۇكپىر-تۇكپىرىنەن ۇمىتكەرلەر قاتىسا الادى. اكىمدىك ۇسىنعان  گرانت يەگەرلەرىنىڭ ءتىزىمى 25 تامىزعا دەيىن جاريالانادى.