قاراعاندىدا بالاباقشا تاربيەشىسى بالانىڭ دەنساۋلىعىنا زيان كەلتىردى, دەپ حابارلايدى Egemen.kz.
قاراعاندىدا اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتى بالاعا دەنە جاراقاتىن سالعان بالاباقشا تاربيەشىسىنە قاتىستى اكىمشىلىك ءىستى قارادى.
سوتتىڭ ءباسپاسوز قىزمەتىنىڭ حابارلاۋىنشا, 2024 جىلعى 17 مامىردا قاراعاندى قالاسى «شىعىس-2» شاعىن اۋدانىندا ورنالاسقان بالاباقشا تاربيەشىسى 2018 جىلى تۋعان كامەلەتكە تولماعان بالانىڭ دەنساۋلىعىنا جەڭىل زيان كەلتىرىپ, دەنە جاراقاتىن سالعان. وقيعا بالاباقشادا ورناتىلعان بەينەكامەرالارعا ءتۇسىپ قالعان.
سوتتا بالاباقشا قىزمەتكەرى كىناسىن مويىنداپ, وكىنىش ءبىلدىردى.
سوت قاراعاندىلىق ايەلدى 4 تاۋلىككە اكىمشىلىك قاماۋعا الۋ تۋرالى ۇكىم شىعاردى. قاۋلى زاڭدى كۇشىنە ەنگەن جوق.