تۇركيا پوليتسياسى ەسكيشەحير قالاسىندا ادامدارعا پىشاق پەن بالتا الا جۇگىرگەن 18 جاستاعى جىگىتتى ۇستادى, دەپ حابارلايدى Egemen.kz
Cumhuriyet جەرگىلىكتى باسىلىمنىڭ حابارلاۋىنشا, وق وتپەيتىن كەۋدەشە مەن باس كيىم كيىپ, كەۋدەسىنە ناتسيستىك بەلگى تاققان بوز بالا بەس ادامدى جاراقاتتاعان. زارداپ شەككەن ەكى ادامنىڭ جاعدايى اۋىر ەكەنى بەلگىلى بولدى.
قىلمىسكەردىڭ كيىمىندە ءۇشىنشى رەيحتىڭ وككۋلتيستەرى پايدالانعان فاشيستىك «قارا كۇن» بەلگىسى بولعان. سونىمەن قاتار, شابۋىل كەزىندە جاس جىگىت الەۋمەتتىك جەلىلەردە تىكەلەي ەفير جۇرگىزگەن.
«ەسكيشەحيردە تۇرعىندارعا شابۋىل جاساپ, بەس ادامدى جارالاعان كۇدىكتى ا.ك قالالىق باس پروكۋراتۋرانىڭ باستاماسىمەن تەرگەۋ اياسىندا ۇستالدى», دەدى تۇركيانىڭ ادىلەت ءمينيسترى يىلماز تۋنچ.