استانادا سارىارقا داڭعىلىنىڭ ءبىر بولىگى ءۇش كۇنگە جارتىلاي جابىلادى, دەپ حابارلايدى Egemen.kz
قالالىق اكىمدىكتىڭ حابارلاۋىنشا, سارىارقا داڭعىلى بويىنشا شەۆچەنكو كوشەسىنەن بوگەنباي باتىر داڭعىلىنا دەيىنگى ۋچاسكەدە مەردىگەر ۇيىم ءوز قاراجاتى ەسەبىنەن اسفالتبەتون جابىنى بويىنشا انىقتالعان ەسكەرتۋلەردى جويۋ شەڭبەرىندە جول جابىنىنىڭ جوعارعى قاباتىن اۋىستىرۋ بويىنشا جۇمىستارىن جۇرگىزەدى.
«وسىعان بايلانىستى, 13-16 تامىز ارالىعىندا اتالعان ۋچاسكەدەگى سارىارقا داڭعىلى ءىشىنارا جابىلادى. جۇمىستار جولدىڭ ءىشىنارا جابىلۋىمەن كەزەڭ-كەزەڭمەن جۇرگىزىلەتىن بولادى. بۇل رەتتە قيىلىستار اشىق بولادى», دەلىنگەن حابارلامادا.
ەلوردا تۇرعىندارى مەن قوناقتارىنان قالا جولدارىندا كەپتەلىس بولماس ءۇشىن ءوز باعىتىن الدىن الا جوسپارلاۋ سۇرالادى.