ەلوردانىڭ ەكى تۇرعىنى TikTok الەۋمەتتىك جەلىسىندە قۇمار ويىندارىن ۇيىمداستىرىپ, جۇرگىزگەنى ءۇشىن سوتتالدى, دەپ حابارلايدى Egemen.kz استانا قالالىق پروكۋراتۋراسىنا سىلتەمە جاساپ.
الدىن الا ءسوز بايلاسۋ ادامدار توبىمەن كىنالى تۇلعالار «TikTok» الەۋمەتتىك جەلىسىندە جالپى سوماسى اسا ءىرى مولشەردە 34 ملن تەڭگەدەن استام تابىس تابۋمەن «زاريك» اتتى قۇمار ويىن وتكىزگەن.
انىقتالعانداي, ويىننىڭ شارتى تىكەلەي ەفيرگە قوسىلعان ازاماتتار 500-دەن 4000 تەڭگەگە دەيىنگى مولشەردەگى بەلگىلەنگەن سومانى ۇيىمداستىرۋشىنىڭ ەسەپشوتىنا ەسىمىن جانە ۇتىس الۋ ءۇشىن جەكە تەلەفون ءنومىرىن كورسەتە وتىرىپ جولداۋى قاجەت. ءبىر ويىن تەك ەكى قارسىلاستىڭ اراسىندا وتكەن.
ويىن ناتيجەسىندە ءباس تىگۋدىڭ جەڭىمپازى 3 ويىن تەكشەسىن اينالدىرۋ ارقىلى انىقتالعان. ەڭ كوپ ۇپاي جيناعان ويىنشى جەڭىمپاز اتانعان.
«سوت ۇكىمىمەن استانا قالاسىنىڭ ەكى تۇرعىنى قازاقستاننىڭ ويىن بيزنەسى تۋرالى زاڭناماسىندا بەلگىلەنگەن ورىنداردان تىس جەرلەردە قۇمار ويىنداردى ۇيىمداستىرعانى جانە وتكىزگەنى ءۇشىن ارقايسىسى 4 جىلعا باس بوستاندىعىنان ايىرىلدى», دەلىنگەن حابارلامادا.
ۇكىم زاڭدى كۇشىنە ەندى.