جىل باسىنان بەرى قامقورشىلىق ورگاندارى قىزمەتكەرلەرىنىڭ سانى 47%-عا ارتقان. بۇل جەتىم جانە اتا-اناسىنىڭ قامقورلىعىنسىز قالعان بالالاردىڭ ءومىر ءسۇرۋ جاعدايلارىن جۇيەلى تەكسەرۋگە مۇمكىندىك بەرەدى, دەپ جازادى Egemen.kz.
وقۋ-اعارتۋ مينيسترلىگى وسى جىلى پاتروناتتىق تاربيەدەگى 17 660 جەتىم بالانىڭ ءومىر ءسۇرۋ جاعدايى تەكسەرىلگەنىن حابارلادى. تەكسەرۋ بارىسىندا ولاردىڭ تۇرمىستىق جاعدايىنا, بالالاردىڭ دەنساۋلىعىنا, فيزيكالىق جانە ەموتسيونالدىق دامۋىنا, سونداي-اق وتباسىلىق قارىم-قاتىناستارىنا ەرەكشە نازار اۋدارىلعان.
«قورعانشىلىق جانە قامقورشىلىق ورگاندارى قىزمەتكەرلەرىنىڭ سانىن ارتتىرۋ بالالاردىڭ قۇقىقتارىن قورعاۋ جۇيەسىنىڭ ساپاسىن جاقسارتۋعا ىقپال ەتەدى. قىزمەتكەرلەردىڭ كاسىبيلىگى مەن ءوز جۇمىسىنا جاۋاپكەرشىلىكپەن قاراۋىنىڭ ارقاسىندا ءبىز ءار بالانىڭ قۇقىعىنىڭ قورعالۋىنا جانە ءوزىن قاۋىپسىز سەزىنۋىنە جاعداي جاسايمىز. بۇل بالالاردىڭ ءومىر ءسۇرۋ ساپاسىن جاقسارتىپ قانا قويماي, ولاردىڭ قۇقىقتارىن قورعاۋدىڭ بۇكىل جۇيەسىن نىعايتا وتىرىپ, بولاشاعىن جارقىن ەتەدى», دەيدى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.