تۇركىستان وبلىسىندا ادام ساۋداسىمەن اينالىسقان ازامات ۇستالدى, دەپ حابارلايدى Egemen.kz.
«جەدەل ىزدەستىرۋ شارالارى بارىسىندا «ش» ەسىمدى ازامات ادام ساۋداسى ءۇشىن 400 مىڭ تەڭگە الىپ جاتقان جەرىندە ۇستالدى. ول ەكى مۇگەدەك ازاماتتى 2 جىل قايىر سۇراۋعا ماجبۇرلەگەن. سونداي-اق ول وسى ادامداردى شىمكەنت قالاسىندا ساتىپ جاتقان جەرىندە ۇستالىپ, قاماۋعا الىندى», دەپ حابارلادى تۇركىستان وبلىسىنىڭ پروكۋراتۋراسى.
سونداي-اق تاعى 10 ازاماتتىڭ ادام ساۋداسىنا قاتىسى بار-جوعى تەكسەرىلىپ جاتىر.
بۇگىندە ادام ساۋداسى فاكتىسى بويىنشا تەرگەپ-تەكسەرۋ ءجۇرىپ جاتىر, وزگە اقپارات قپك 201-بابىنىڭ تالاپتارىنا ساي جاريالانبايدى.