قورعانىس مينيسترلىگى قازاقستاننىڭ اسكەري-تەحنيكالىق وقۋ ورىندارىنداعى وقۋ قۇنىن ەڭ تومەنگى ەسەپتىك كورسەتكىشكە تەڭەستىرمەك. "اشىق نورماتيۆتىك قۇقىقتىق اكتىلەر" پورتالىندا ۆەدومستۆو باسشىسى رۋسلان جاقسىلىقوۆتىڭ بۇيرىعى جاريالاندى. ول قولداۋ تاپسا, وقىتۋ باعاسى 369 200 تەڭگەگە دەيىن كوتەرىلەدى, دەپ حابارلايدى Egemen.kz.
قۇجاتقا سايكەس, قازاقستاندىقتاردى اسكەري-تەحنيكالىق جانە باسقا دا اسكەري ماماندىقتاردا وقىتۋ قۇنى 100 اەك (2024 جىلى – 369 200 تەڭگە) بولادى.
- قورعانىس مينيسترلىگىنىڭ اسكەري-تەحنيكالىق ۋچيليششەسى" مەملەكەتتىك قازىنالىق كاسىپورنى وندىرەتىن تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) باعاسى ايلىق ەسەپتىك كورسەتكىش (جۇمىس, كورسەتىلەتىن قىزمەت) بەكىتىلگەننەن كەيىن جىل سايىن ۋاكىلەتتى ورگان بەكىتەتىن ەسەپ بويىنشا قالىپتاستىرىلادى), – دەلىنگەن قۇجاتتا.
بۇيرىق جوباسىن تالقىلاۋ 23 تامىزعا دەيىن جالعاسادى.
قورعانىس مينيسترلىگىنىڭ اسكەري-تەحنيكالىق ۋچيليششەسى" مەملەكەتتىك قازىنالىق كاسىپورنى الماتى, تالدىقورعان, تاراز, شىمكەنت, قىزىلوردا, سەمەي, وسكەمەن, پاۆلودار, اقتوبە, اتىراۋ, ورال, قاراعاندى, كوكشەتاۋ قالالارىندا ورنالاسقان 13 فيليالدان تۇرادى.
قازىرگى ۋاقىتتا وقۋ قۇنى – 305 مىڭ تەڭگە.
ەسكە سالايىق, بۇعان دەين قورعانىس مينيسترلىگى 2024 جىلى ەكى ەسە كوپ قازاقستاندىقتاردى اسكەري دايىندىققا شاقىراتىنىن حابارلاعان ەدى. بۇل قازاقستانداعى اسكەري بولىمدەردىڭ جاۋىنگەرلىك ازىرلىگىن ارتتىرۋ جانە اسكەري دايىندىقتان وتكەن رەزەرۆتى جيناقتاۋ ءۇشىن قاجەت.
وتكەن جىلى اسكەري دايىندىققا 1,5 مىڭ ادام قاتىستى – 189 وفيتسەر, 275 سەرجانت جانە 1036 سارباز. ولار الماتى, الماتى جانە جامبىل وبلىستارىنان شاقىرىلدى.