قازاقستان بۇگىن برەيكينگتەن التىن مەدالعا تالاسادى

قازاقستان نامىسىن ءامىر زاكىروۆ قورعايدى. سەنبى, 10 تامىزدا قازاقستاندىق ءامىر زاكىروۆ وليمپيادا تاريحىنداعى جاڭا سپورت ءتۇرى بولىپ سانالاتىن برەيك جارىسىنا قاتىسادى.

ءامىر سايىستى توپتىق كەزەڭنەن باستايدى. ەگەر جولى بولسا فينالعا وتەدى. ونىڭ بي الاتىن ۋاقىتى شامامەن - 19:35.

26 جاستاعى ءامىر بيمەن اينالىسۋدى 12 جاسىندا باستاعان. سولتۇستىك قازاقستان وبلىسىنىڭ تۋماسى. 16 جاسىندا ومبىعا كوشىپ, سول جاقتا اينالىسقان. كەيىن ماسكەۋگە قونىس اۋدارادى. توپتىق كەزەڭدە 16 سپورتشى قاتىسادى, ولار ءتورت توپقا بولىنەدى. ءار توپتان ەكى ۇزدىگى فينالعا وتەدى.

ءامىر وليمپياداداعى فاۆوريتتەردىڭ ءبىرى سانالادى. بىراق بۋكمەكەرلەر ونىڭ جەڭىسىنە سەنبەيدى. چەمپيون اتانادى دەگەن بولجامعا 21 كوەففيتسەنت بەرىپ تۇر. ال ۇشتىككە كىرەدى دەگەندى تاڭداساڭىز 5 كوەففيتسەنت. باستى قارسىلاستارىنىڭ اراسىندا اقش, كانادا, جاپونيا, نيدەرلاندى, فرانتسيا سپورتشىلارى بار. ءامىر زاكىروۆتىڭ ونەرىن «حابار» جانە «ەلارنادان» تاماشالاۋعا بولادى.