2024 جىلدىڭ 8-13 قىركۇيەگى ارالىعىندا استانادا 5-ءشى دۇنيەجۇزىلىك كوشپەلىلەر ويىندارى وتەدى. جارىسقا الەمنىڭ 89 ەلىنەن 2 مىڭنان استام سپورتشى قاتىسادى. سپورتتىق جارىستار مەن مادەني ءىس-شارالارعا 100 مىڭنان استام تۋريست كەلەدى دەپ جوسپارلانىپ وتىر, دەپ حابارلايدى Egemen.kz 5-ءشى دۇنيەجۇزىلىك كوشپەلىلەر ويىندارىنىڭ ديرەكتسياسىنا سىلتەمە جاساپ.
استانادا 5-ءشى دۇنيەجۇزىلىك كوشپەلىلەر ويىندارىنىڭ سپورتتىق باعدارلاماسى اياسىندا سپورتتىڭ 21 ءتۇرى بويىنشا جارىستار وتكىزۋ جوسپارلانعان.
ولاردىڭ قاتارىندا ات جارىسى, ۇلتتىق كۇرەس تۇرلەرى, ءداستۇرلى زياتكەرلىك ويىندار, جەكپە-جەك تۇرلەرى بويىنشا جارىستار, ساداق اتۋ, قۇستارمەن اڭ اۋلاۋدىڭ ۇلتتىق تۇرلەرى, ات جارىستارى, حالىق ويىندارى بار.
تىكەلەي استانادا «كوشپەلىلەر الەمى» ەتنواۋىلى اشىلادى, وندا ءاربىر كەلۋشى قازاق حالقىنىڭ مادەنيەتى مەن داستۇرلەرىمەن, سونداي-اق قاتىسۋشى ەلدەردىڭ وزىندىك مادەنيەتىمەن تانىسا الادى.
كۇن سايىن ەتنواۋىلعا ەلوردانىڭ 10 مىڭنان استام تۇرعىنى مەن قوناعى بارا الادى. استانادا 5-ءشى دۇنيەجۇزىلىك كوشپەلىلەر ويىندارى « ۇلى دالا ءدۇبىرى» ۇرانىمەن وتەدى.
سونىمەن قاتار 5-ءشى دۇنيەجۇزىلىك كوشپەلىلەر ويىندارى اياسىندا 9-11 قىركۇيەكتە ۇلتتىق مۋزەيدە «كوشپەلىلەر: تاريح, ءبىلىم, ساباقتار» اتتى حالىقارالىق عىلىمي-پراكتيكالىق كونفەرەنتسيا وتەدى. كونفەرەنتسيا «تاريح جانە مادەنيەت», «سپورت عىلىمى» جانە «ورتالىق ازيا كوشپەلىلەرىنىڭ تاماقتانۋى» سەكتسيالارىنان تۇرادى.