قر مادەنيەت جانە اقپارات مينيسترلىگى ءدىن ىستەرى كوميتەتىنىڭ ارنايى جوباسى اياسىندا, اباي وبلىسىندا ءدىن ىستەرى باسقارماسىنىڭ قولداۋىمەن, بەكىتىلگەن جوسپار بويىنشا, 2024 جىلدىڭ 5-9 تامىز ارالىعىندا ءدىن ماسەلەلەرى بويىنشا رەسپۋبليكالىق اقپاراتتىق-ءتۇسىندىرۋ توبىنىڭ (بۇدان ءارى – راتت) مۇشەلەرى قوعامدا ءداستۇرلى رۋحاني-ادامگەرشىلىك قۇندىلىقتاردى قالىپتاستىرۋ جانە ءدىني ەكسترەميزمنىڭ الدىن الۋ باعىتىندا سەمينارلار مەن ءارتۇرلى فورماتتاعى ءىس-شارالار وتكىزەدى, دەپ حابارلايدى Egemen.kz.
بۇل ءىس-شارالارعا راتت مۇشەلەرى (تەولوگتار, ءدىنتانۋشىلار) قاتىسادى:
تالشىن قوجاحمەتوۆا – استانا قالاسى, «دىندەردى زەرتتەۋ ورتالىعى» جشس تەولوگ مامانى, يسلامتانۋشى; روزا سولتان – اقمولا وبلىسى, «كونفەسسياارالىق قاتىناستاردى تالداۋ جانە دامىتۋ ورتالىعى» كمم تەولوگ مامانى; اسيا ابيتوۆا – پاۆلودار وبلىسى, «كونفەسسياارالىق قاتىناستاردى تالداۋ جانە دامىتۋ ورتالىعى» جشس ءبولىم باسشىسى; سۆەتلانا نوۆيكوۆا – اباي وبلىسى, «پسيحەيا» پسيحولوگيالىق ورتالىعىنىڭ ديرەكتورى, ساراپشى.2024 جىلعى 5-9 تامىز ارالىعىندا ءىس-شارالاردى ۇيىمداستىرۋ بارىسىندا, اياگوز قالاسى, جاڭعىزتوبە كەنتى, قالباتاۋ اۋىلى, شار قالاسى جانە سەمەي قالاسى تۇرعىندارىمەن, مەشىتتەگى ايەل جاماعاتىمەن, ۇستازدارمەن, جاستارمەن, ەمحانا جانە اكىمشىلىك قىزمەتكەرلەرىمەن جانە ت.ب. «قىز بالالارعا ونەگەلى تاربيە بەرۋ جولدارى», «جاس ەرەكشەلىك پسيحولوگياسى», «جالپى ءبىلىم بەرۋ نەمەسە مەملەكەتتىك مەكەمەلەردەگى ايەلدەردىڭ ءدىني ۇستانىمى», «قازاقستان قوعامىنداعى ايەلدىڭ ءرولى», «جاستار اراسىندا رۋحاني قۇندىلىقتاردى ءتۇسىندىرۋ جانە ءدىني ساۋاتتىلىقتى ارتتىرۋ», ء«دىني جانە قۇقىقتىق ساۋاتتىلىق – اداسۋلىقتان ساقتايدى» جانە ت.ب.تاقىرىپتار اياسىندا كەزدەسۋلەر وتكىزىلدى.