ء«دىن ماسەلەلەرى بويىنشا بىلىكتى ماماندار دايارلاۋ» جوباسى اياسىندا اقمولا وبلىسىندا اقپاراتتىق-ءتۇسىندىرۋ توپتارىنىڭ مۇشەلەرىنە ارنالعان وقىتۋ سەمينارلارى مەن ترەنينگتەرى وتكىزىلدى, دەپ حابارلايدى Egemen.kz.
وسى جىلدىڭ 7-8 تامىزىندا اقمولا وبلىسى, كوكشەتاۋ قالاسىنداعى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ ءماجىلىس زالىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ جانە «ازاماتتىق باستامالاردى قولداۋ ورتالىعى» كومەرتسيالىق ەمەس اكتسيونەرلىك قوعامنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, اقپاراتتىق ءتۇسىندىرۋ توبىنىڭ مۇشەلەرى جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – الەۋمەتتانۋ عىلىمدارىنىڭ كانديداتى تالعاتجاقيانوۆ جانە پسيحولوگ مامانىلولا شاكيموۆا سەمينار وقىدى.
جاقيانوۆ تالعات جاردەمقۇل ۇلى «قازاقستاننىڭ ءدىن سالاسىنداعى وزەكتى ماسەلەلەرى» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق, ء«دىني احۋال مونيتورينگى: ادىستەرى جانە جۇرگىزۋ تەحنيكاسى» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
شاكيموۆا لولا سەرگەەۆنا «پسيحولوگيا دەسترۋكتيۆنىح ليچنوستەي, ۋيازۆيمىح ك ۆەربوۆكە سو ستورونى ليدەروۆ درت» تاقىرىبىمەن قاتىسۋشىلارعا جاستار اراسىنداعى تاۋەكەل توپتارىن انىقتاۋ ءۇشىن پروفايلينگ تەحنيكاسىن, ياعني, قىلمىس جاساۋعا دايىن تۇرعان تۇلعانىڭ سىرتقى كەلبەتىنە, ميميكاسىنا, ءجۇرىس-تۇرىسىنا قاراپ قالاي انىقتاۋعا بولاتىنىن ءتۇسىندىردى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, ناقتى جاۋاپتار الىندى.