وڭىرلەردەگى بالا قۇقىقتارى جونىندەگى ۋاكىلدەردىڭ مىندەتتەرىنە بالالاردىڭ قۇقىقتارى مەن زاڭدى مۇددەلەرىنىڭ بۇزىلۋىنا, سونداي-اق جەرگىلىكتى اتقارۋشى ورگاندار مەن باسقا دا ۇيىمداردىڭ ارەكەتتەرىنە نەمەسە ارەكەتسىزدىگىنە شاعىمداردى قاراۋ, بالا قۇقىقتارىن قالپىنا كەلتىرۋگە كومەك كورسەتۋ جاتادى. بۇدان بولەك, مىندەتتەر قاتارىنا ءبىلىم بەرۋ, دەنساۋلىق ساقتاۋ جانە الەۋمەتتىك قورعاۋ ۇيىمدارىنا بارۋ, بالالاردىڭ قۇقىقتارىمەن اينالىساتىن مەملەكەتتىك جانە قوعامدىق ينستيتۋتتاردىڭ قۇجاتتارىنا قول جەتكىزۋ كىرەدى.ء «بىز وڭىرلىك ۋاكىلدەردىڭ ارقاسىندا ەلدەگى ءاربىر بالانىڭ قۇقىعى قورعالادى دەگەن سەنىمدەمىز. ولار تاۋەلسىز ءارى قوعامدا بەلسەندى جاندار رەتىندە مەملەكەتتىك ورگانداردىڭ كۇش-جىگەرىن تولىقتىرا وتىرىپ, بالالاردىڭ يگىلىگى ءۇشىن جۇمىس ىستەيتىن بولادى. اتالعان جۇمىستار قۇقىق بۇزۋشىلىقتارعا نەعۇرلىم تيiمدi دەن قويۋعا جانە دەر كەزiندە الدىن الۋعا مۇمكiندiك بەرەدi. بۇل قىزمەت – بالالارىمىزدىڭ ءومىر ءسۇرۋ ساپاسى مەن ءال-اۋقاتىن جاقسارتىپ, ءادىل جانە قاۋىپسىز قوعام قۇرۋعا ماڭىزدى قادام», دەپ اتاپ ءوتتى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.