ەكى ەل اراسىن جالعاعان التىن كوپىر

مەملەكەتتىك كەڭەس­شى ەرلان قارين وزبەك­ستان رەسپۋبليكاسى پرەزي­دەن­تىنىڭ كومەكشىسى سايدا ميرزيوەۆامەن بىرگە «Zakovat» زياتكەرلىك كلۋبى ۇيىم­داس­تىرعان ءىس-شاراعا قاتىستى.

ءىس-شارانىڭ اشىلۋىندا ءسوز سويلەگەن ەرلان قارين «Zakovat» جوباسى ەكى ەل اراسىن جالعاعان تاعى ءبىر التىن كوپىرگە اينالعانىن جانە ەكىجاقتى مادەني-گۋما­نيتارلىق بايلانىستاردى نىعايتۋعا وڭ ىقپال ەتەتىنىن اتاپ ءوتتى.

سونداي-اق ول قازاقستان پرەزيدەنتى قاسىم-جومارت توقاەۆتىڭ قوعامدا پروگ­رەسسيۆتى قۇندىلىقتار مەن ۇستىنداردى, ءبىلىم كۋل­تىن, كاسىبي شەبەرلىكتى قۇر­مەت­تەۋ داعدىسىن ورنىقتىرۋ قاجەتتىگى تۋرالى ۇدايى ايتىپ كەلە جاتقانىنا نازار اۋداردى. سوڭعى جىلدارى قازاقستاندا پەداگوگتەردىڭ, دارىگەرلەردىڭ, مادەنيەت جانە ونەر قايراتكەرلەرىنىڭ مارتەبەسىن كوتەرۋگە, كرەا­تيۆتى يندۋستريانى قولداۋعا قاتىستى ناقتى شارالار قابىلدانعانىن, جاس عالىم­داردىڭ زەرتتەۋلەرى مەن تاعىلىمدامادان وتۋىنە ار­نالعان گرانت سانى ارت­قا­نىن, پرەزيدەنتتىك جاستار كادرلىق رەزەرۆى قۇرىلعانىن ايتتى. اتالعان قۇندىلىقتار مەن باستامالار «Zakovat» كلۋبىنىڭ يدەولوگياسىمەن ۇندەسەدى.  

بۇدان بولەك, مەملەكەت­تىك كەڭەسشى قازاقستان مەن وزبەكستاننىڭ اۋقىمدى وز­گەرىستەر جولىندا سەنىم­مەن قادام باسىپ كەلە جاتقا­نىن جەتكىزدى. 

ەرلان قارين ءسوزىن قورى­تىندىلاي كەلە, ەكى مەملەكەت اراسىنداعى كوپجاقتى ىنتىماقتاستىق باۋىرلاس حالىقتاردىڭ يگىلىگى ءۇشىن ال­داعى ۋاقىتتا دا نىعايا تۇسە­تىنىنە سەنىم ءبىلدىردى.

سايدا ميرزيوەۆا ءوز سو­زىن­دە جاستار ءاردايىم جا­سام­پازدىق ۇدەرىستەرىندە ماڭىزدى ءرول اتقارىپ, وركە­نيەتتىڭ باستى قوزعاۋشى كۇشى بولاتىنىن ايتتى. وسى­عان بايلانىستى ول «Zakovat» جو­باسىنىڭ ەكى ەل اراسىنداعى مادەني-گۋمانيتارلىق سە­رىك­تەس­تىكتى كەڭەيتۋدەگى ماڭىز­دىلىعىن اتاپ ءوتتى. سايدا ميرزيوەۆانىڭ ايتۋىنشا, مۇنداي جوبالار ور­تالىق ازيا ەلدەرىنىڭ ادامي كاپيتالىنىڭ ساپاسىن ارتتىرۋعا وڭ ىقپال ەتەدى.

سونىمەن قاتار وزبەك دەلەگاتسياسىنىڭ باسشىسى قازاقستان مەن وزبەكستان پرەزيدەنتتەرىنىڭ بەلسەن­دى ساياسي ديالوگى ورتالىق ازيا­نىڭ قاۋىپسىز, وركەن­دەگەن ايماق رەتىندەگى مار­تەبەسىن نىعايتۋعا سەپتىگىن  تيگىزەتىنىن ايرىقشا اتاپ ءوتتى.