اتىراۋ وبلىسىندا مۇناي كومپانياسىنا 13 ميلليارد تەڭگەدەن استام ايىپپۇل سالىندى, دەپ حابارلايدى Egemen.kz وبلىس پروكۋراتۋراسىنا سىلتەمە جاساپ.
«كاسپي مۇناي» اق كەن ورنىن بۇرعىلاۋ جانە پايدالانۋ ناتيجەسىندە 2021-2022 جىلدارى پايدا بولعان 4500 توننادان استام قاۋىپتى قالدىقتاردى جيناقتاۋ ءليميتىن الماعانى انىقتالدى.
«پروكۋروردىڭ ۇسىنىسىن قاراۋ ناتيجەسىندە اتىراۋ وبلىستىق سوتىنىڭ سوت القاسىنىڭ 2 شىلدەدەگى قاۋلىسىمەن «كاسپي مۇناي» اق اكىمشىلىك قۇقىق بۇزۋشىلىق تۋرالى كودەكستىڭ 328 - بابى بويىنشا 13 684 868 730 تەڭگە كولەمىندە ايىپپۇل سالۋمەن اكىمشىلىك جاۋاپكەرشىلىككە تارتىلدى», دەلىنگەن حابارلامادا.
ناتيجەسىندە بيۋدجەتكە اكىمشىلىك ايىپپۇل ءوندىرىلدى, مەملەكەتتىڭ ۇلتتىق قورى 13 684 868 730 تەڭگەگە تولىقتىرىلدى.