اقتوبە وبلىسىندا ىرعىز وزەنىندە ەر ادام ەكى بالاسىمەن جانە تۋىسىمەن سۋعا باتىپ كەتكەن, دەپ حابارلايدى Egemen.kz.
جەرگىلىكتى باسىلىمدا جازىلعانداي, قايعىلى وقيعا 3 تامىزدا ايتەكە بي اۋدانى جۇرگەنوۆ اۋىلىندا بولعان.
- ىرعىز وزەنىندە سۋعا ءتۇسىپ جۇرگەن ءبىر وتباسىنىڭ 4 ادامى باتىپ كەتتى. ولار 13,11 جانە 7 جاستاعى بالالار, سونداي-اق ولاردى قۇتقارۋعا تىرىسقان 39 جاستاعى ەر ادام. ەر ادام ءوزىنىڭ بالالارى مەن تۋىسىن قۇتقارۋعا تىرىسقان, - دەلىنگەن ماتەريالدا.
وبلىستىق توتەنشە جاعدايلار دەپارتامەنتى بالالار اتا-انالارىمەن بىرگە بولعانىن ايتتى.
قۇتقارۋشىلار, پوليتسەيلەر جانە جەرگىلىكتى تۇرعىندار مايىتتەردى ىزدەپ, ولاردى سۋدان شىعاردى.