ۇستەل تەننيسىنەن قازاقستان كومانداسىنىڭ ۇزدىگى كيريلل گەراسيمەنكو پاريج وليمپياداسىنىڭ شيرەك فينالىندا قارسىلاسىنا جول بەردى, دەپ حابارلايدى Egemen.kz.
ۇلتتىق وليمپيادا كوميتەتىنىڭ حابارلاۋىنشا, وليمپيادانىڭ شيرەك فينالىندا گەراسيمەنكو مىسىر وكىلى ومار اسسارمەن كۇش سىناستى.
العاشقى ەكى سەتتە گەراسيمەنكو 11:8, 11:6 ەسەبىمەن قارسىلاسىن وڭاي جەڭگەن. ءۇشىنشى كەزەڭدى مىسىرلىق تەننيسشى وزىپ كەتكەن. بىراق وتانداسىمىز ەسەپ ايىرماسىن قىسقارتا الدى. الايدا, سول سەتتە جەڭىس 12:10 ەسەبىمەن قارسىلاس ەنشىسىندە قالدى.
مىسىرلىق سپورتشى كەيىن دە بەلسەندىلىك تانىتىپ, 12:10 جانە 11:9 ەسەبىمەن جەڭىسكە جەتتى. وسىلايشا, 3:2 ەسەبىمەن جالپى ەسەپتە العا شىقتى.
شەشۋشى سەتتە گەراسيمەنكو تارازى باسىن تەڭەستىرە المادى. اقىرى قارسىلاس تاراپ 4:2 ەسەبىمەن جەڭىسكە جەتتى.