الماتى-قوناەۆ تاسجولىندا ەكى كولىكتىڭ سوقتىعىسۋى سالدارىنان ەكى جاياۋ جۇرگىنشى قازا تاپتى, دەپ حابارلايدى Egemen.kz.
الماتى وبلىسىنىڭ پوليتسيا دەپارتامەنتىنىڭ حابارلاۋىنشا, «BMW» كولىگىن تىزگىندەگەن 20 جاستاعى بويجەتكەن جاياۋ جۇرگىنشىنى قاعىپ, «مەرسەدەس» كولىگىمەن سوقتىعىسقان. وقيعا سالدارىنان تاعى ءبىر جاياۋ جۇرگىنشى زارداپ شەككەن.
«جول-كولىك وقيعاسى سالدارىنان ەكى جاياۋ جۇرگىنشى وقيعا ورنىندا قايتىس بولدى. BMW جۇرگىزۋشىسى دەنە جاراقاتىن الىپ, مەديتسينالىق كومەك كورسەتۋ ءۇشىن اۋرۋحاناعا جەتكىزىلدى. وقيعا فاكتىسى بويىنشا قىلمىستىق ءىس قوزعالدى. بارلىق قاجەتتى ساراپتامالىق تەكسەرۋلەر تاعايىندالدى جانە وقيعانىڭ بارلىق ءمان - جايىن انىقتاۋ ءۇشىن تەرگەۋ جۇرگىزىلۋدە», دەپ حابارلادى الماتى وبلىسى پد ءباسپاسوز قىزمەتى.