اباي وبلىسى ماقانشى اۋدانىنىڭ اۋرۋحاناسىندا ناۋقاستارعا جارامدىلىق مەرزىمى ءوتىپ كەتكەن انەستەزيا پرەپاراتتارى سالىنعان, دەپ حابارلايدى Egemen.kz.
ماقانشى اۋدانىنىڭ پروكۋراتۋراسى دەنساۋلىق ساقتاۋ مەكەمەسىن تەكسەرۋ بارىسىندا ءدارى-دارمەكپەن قامتاماسىز ەتۋ بويىنشا زاڭ بۇزۋشىلىقتاردى انىقتاعان.
تەكسەرىس ناتيجەسىندە ءدارى-دارمەكتىڭ دۇرىس ساقتالماۋى, ەسىرتكى زاتتارى بار امپۋلالاردىڭ ۋاقتىلى جويىلماۋى جانە ءدارى-دارمەكتەردىڭ دۇرىس تاعايىندالماۋى انىقتالعان.
سونىمەن قاتار ناۋقاستارعا وتا جاساۋ كەزىندە مەرزىمى ءوتىپ كەتكەن «كەتام» انەستەزيا (ناركوز) پرەپاراتىن قولدانۋ فاكتىلەرى انىقتالعان.
«پروكۋراتۋرا قابىلداعان شارالاردىڭ ناتيجەسىندە مەديتسينالىق مەكەمەنىڭ 12 قىزمەتكەرى تارتىپتىك جازاعا تارتىلىپ, 12 تۇلعاعا قر اقبتك-ءنىڭ 426-بابى (فارماتسەۆتيكالىق قىزمەتتىڭ جانە دارىلىك زاتتار مەن مەديتسينالىق بۇيىمداردىڭ اينالىسى سالاسىنىڭ قاعيدالارىن بۇزۋ) بويىنشا 1,5 ملن تەڭگەدەن استام اكىمشىلىك ايىپپۇل سالىندى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.