قازاقستاندا ەڭ جوعارى جالاقىنى كىمدەر الادى

ۇلتتىق ستاتيتيكا بيۋروسىنىڭ دەرەگى بويىنشا, ورتاشا ەسەپپەن ەڭ جوعارى جالاقىنى ساقتاندىرۋ, قايتا ساقتاندىرۋ جانە زەينەتاقىمەن قامسىزداندىرۋ قىزمەتىن ۇسىناتىن ماماندار الادى ەكەن.

ء«بىر قىزمەتكەردىڭ ورتاشا ايلىق جالاقىسى - 1 372 158 تەڭگە. ءوز كەزەگىندە ورتاشا ەسەپپەن ەڭ تومەن جالاقى بالىق اۋلاۋ جانە بالىق ءوسىرۋ قىزمەتىن ۇسىناتىن ماماندارعا تيەسىلى. بۇل قىزمەت ءتۇرىن ۇسىناتىن مامانداردىڭ ورتاشا جالاقىسى ايىنا 134 621 تەڭگەنى قۇراعان», دەپ جازدى بيۋرو.

قازاقستانداعى ءبىر قىزمەتكەردىڭ ورتاشا ايلىق كورسەتكىشى 382 276 تەڭگە ەكەنىن ەسكەرسەك, ەڭ جوعارعى ايلىق بۇل كورسەتكىشتەن 3,4 ەسەگە جوعارى, ەڭ تومەنگى ورتاشا ايلىق 2,8 ەسە تومەن ەكەنىن اڭعارامىز. 

تەڭىز جانە سۋ جاعاسىنداعى جۇك كولىگىنىڭ قىزمەتى, بيىلعى ايلىق ورتاشا تابىس - 1 028 881 تەڭگە, وتكەن جىلعى ايلىق ورتاشا تابىس - 982 098 تەڭگە. ءوسىم - 46 783 تەڭگە.

جەكە مەنشىك جىلجىمايتىن م ۇلىكتى ساتىپ الۋ جانە ساتۋ قىزمەتى, بيىلعى ايلىق ورتاشا تابىس - 973 927 تەڭگە, وتكەن جىلعى ايلىق ورتاشا تابىس - 263 928 تەڭگە. ءوسىم - 709 999 تەڭگە.

كومپيۋتەرلىك باعدارلامالاۋ, كونسۋلتاتسيالىق جانە باسقا ىلەسپە كورسەتىلەتىن قىزمەتتەر كورسەتەتىن مامانداردىڭ بيىلعى ايلىق ورتاشا تابىسى - 938 377 تەڭگە, وتكەن جىلعى ايلىق ورتاشا تابىس - 857 117 تەڭگە. ءوسىم - 81 260 تەڭگە.

جولاۋشىلار اۋە كولىگىنىڭ قىزمەتى, بيىلعى ايلىق ورتاشا تابىس - 927 318 تەڭگە, وتكەن جىلعى ايلىق ورتاشا تابىس - 909 239 تەڭگە. ءوسىم - 18 079 تەڭگە.

اۋە كولىگىنىڭ قىزمەتى, بيىلعى ايلىق ورتاشا تابىس - 916 408 تەڭگە, وتكەن جىلعى ايلىق ورتاشا تابىس - 897 497 تەڭگە. ءوسىم - 19 911 تەڭگە.

قۇبىر كولىگىنىڭ قىزمەتى, بيىلعى ايلىق ورتاشا تابىس - 885 665 تەڭگە, وتكەن جىلعى ايلىق ورتاشا تابىس - 816 195 تەڭگە. ءوسىم - 69 470 تەڭگە.

تاۋ-كەن ءوندىرۋ ونەركاسىبى جانە كارەرلەردى قازۋ قىزمەتى, بيىلعى ايلىق ورتاشا تابىسى - 889 029 تەڭگە, وتكەن جىلعى ايلىق ورتاشا تابىس - 771 048 تەڭگە. ءوسىم - 117 981 تەڭگە.