قاسكەلەڭدە ۋاقىتشا ۇستاۋ يزولياتورىندا ايەل ءتورت ايلىق سابيىمەن قاماۋدا وتىر. وسىعان بايلانىستى بالا قۇقىقتارى جونىندەگى ۋاكىل دينارا زاكيەۆا پىكىر ءبىلدىردى, دەپ حابارلايدى Egemen.kz.
ايەل ادام الاياقتىق جاسادى دەپ كۇدىكتەلىپ, تەرگەۋ سوتىنىڭ كەزەكتى وتىرىسىندا تەرگەۋشى ونى ۇستاۋ تۋرالى ءوتىنىش ءبىلدىردى. پروكۋرور ايەلدىڭ ءتورت بالاسىنا قاراماستان, ءوتىنىشتى قولدادى. بالالاردىڭ كىشىسى – ءتورت ايلىق. سوت زالىنان اناسى مەن بالاسى قاسكەلەڭدەگى ۋاقىتشا ۇستاۋ يزولياتورىنا جىبەرىلدى.
وسى ىسكە قاتىستى دينارا زاكيەۆا پىكىر ءبىلدىردى.
«وسى ىسكە قاتىستى پروكۋراتۋراعا جۇگىندىم. سول سياقتى ايەل ادامنىڭ ادۆوكاتىنا حابارلاستىم. 29 شىلدە كۇنى اپپەلياتسيالىق سوت وتەدى.
- ەرتەڭ وڭىرلىك بالا قۇقىقتارى جونىندەگى ۋاكىل اناسىمەن بىرگە قاماۋدا جاتقان ءسابيدىڭ جاعدايىن بىلەدى», – دەپ جازدى دينارا زاكيەۆا.