ماڭعىستاۋ وبلىسىنىڭ تۇرعىنى پاريجدە ءوتىپ جاتقان جازعى وليمپيادا ويىندارىن كورمەككە فرانتسيا استاناسىنا ۆەلوسيپەدپەن بارعان.
3600 شاقىرىمدى ەكى اي ءجۇرىپ وتكەن اقتاۋلىق رابىن بوراشەۆتى تۋريزم جانە سپورت ءمينيسترى ەرمەك مارجىقپاەۆ قارسى الدى. جانكەشتى جانكۇيەر ۇلتتىق قۇراماعا قولداۋ كورسەتۋ ءۇشىن ۇزاق دايىندالعان. ء«تورت جىل بويى ۆەلوسيپەدپەن ەلىمىزدىڭ بىرنەشە وڭىرلەرىنە ساياحاتتاپ, ابدەن جاتتىقتىم. ساپار الدىندا قوس دوڭگەلەكتى كولىگىمدى جاڭارتىپ, «پاريج, قايداسىڭ؟» دەپ تارتىپ كەتتىم. جولدا ۆيزاعا بايلانىستى قيىندىقتار بولدى. بىراق سونىڭ وزىندە فرانتسيا استاناسىنا جەتۋ ءۇشىن سەگىز ەلدى باسىپ وتتىك», دەيدى رابىن بوراشەۆ