اۋسەلەسىن ءا دەگەننەن بىلگەن

ءبىر كۇنى وليمپيادا قالاشىعىندا سەرۋەندەپ جۇرگەن تۇيە پالۋان كريس تەيلور نەمىس قارسىلاسى ۆيلفريد ءديتريحتىڭ وزىنە قاراي كەلە جاتقانىن بايقايدى. جاسى كىشى تەيلور ءبىرىنشى سالەم بەرىپ قولىن ۇسىنادى. ال ديتريح بولسا قولىن جوعارى كوتەرىپ, باسىن شايقايدى. سودان سوڭ جاقىن كەلەدى دە, الداعى دوداعا ساتتىلىك تىلەپ, قاتتى قۇشاقتايدى. سىي­­لاستىق سيپاتىنداعى بۇل ارەكەت قارسىلاسىنىڭ بارلاۋى مەن زەرتتەۋى ەكەنىن ول كەزدە تەي­لور, ارينە, بىلگەن جوق ەدى.

بۇل ءديتريحتىڭ گەرما­نيا چەمپيوناتىن 28 رەت جەڭىپ كەلگەن كەزى, ال تورتجىل­دىق­تىڭ باس­تى باسەكەسىنە مەلبۋرندا وليمپيادا وتكەن 1956 جىلدان باستاپ قاتىسىپ كەلە جاتقان تۇسى. تاريحتا قالاتىن كۇرەس كورسەتىپ, سپورت­تىق جولىن ادەمى قورى­تىندىلاعىسى كەلىپ جۇر­گەن ول ويىنا بىردەن قول جەت­كىزەدى. ىزدەگەنگە سۇراعان دەگەندەي, الدىنان نايقالعان نار­داي بولىپ امەريكانىڭ ءزىل­ماۋىر پالۋانى شىعادى.

ديتريح وليمپيادادا بار­لىق مۇمكىندىگىن كورسەتكىسى كەلدى جانە ول ءۇشىن تىنباي جۇمىس ىستەدى. ول ءوزىنىڭ قاي­راتى قايتىپ, قۋاتى كەمىگەنىن سەزەتىن. ءومىر بولعان سوڭ وعان قارسى تۇرۋ جوق. بىراق نەمىس پالۋانى بۇكىل نازارىن كۇشكە ەمەس, ايلاعا تۇسىرگەن.

تەيلوردى تىزە بۇكتىر­گەن­نەن كەيىن, جۋرناليستەر ديتريحتەن سۇحبات الدى. ولار 200 كگ تۇيە پالۋاندى لاق­تىراتىنىنا نەلىكتەن سەنىمدى بولعانىن سۇرادى. سونداعى ءديتريحىڭنىڭ ايتقان ءسوزى: «مەن 200 كيلونى كوتەرە الاتىنىما بەك سەنىمدى ەدىم. تەك تەيلوردى قاپسىرا ۇستاۋعا, قۇشاعىم جەتپەي مە دەپ كۇدىكتەندىم. كۇرەستىڭ الدىندا ونىمەن كەزدەسكەن كەزىمدە, ول مەنىڭ قولىمدى العىسى كەلدى. بىر­اق مەن ونىڭ ورنىنا تەي­لوردى قاتتى قۇ­شاقتادىم. قولدارىمنىڭ ءبىر-بىرىنە جەتەتىنىنە بىلگەن سوڭ, مەن ونى شالقاسىنان لاقتىرا الاتىنىمدى ءتۇسىندىم جانە مىندەتتى تۇردە سولاي ەتەتىنىمە سەنىمدى بولدىم».

ءيا, قارسىلاسىنىڭ «احيللەس وكشەسىن» مايدانعا تۇس­پەي جاتىپ ءبىلۋ – سپورتشى ءۇشىن جارتى جەڭىس. بىراق ونداي دەڭگەيگە جەتۋ ءۇشىن سۇڭعىلالىق قاجەت-اق.