سۋ تاسقىنىنان زارداپ شەككەندەرگە وتەماقى تولەۋ ءتارتىبى وزگەرەدى

كەڭەستە توتەنشە جاعداي كەزىندە جەدەل دەن قويۋ ءۇشىن رەسپۋبليكالىق جانە وڭىرلىك شتابتاردىڭ وكىلەتتىكتەرىن كەڭەيتۋ, تەحنيكا مەن جابدىقتاردى تاسىمالداۋ تەتىگى, سونداي-اق تابيعي اپاتتار كەزىندە م ۇلىكتى ساقتاندىرۋ ماسەلەلەرى تالقىلاندى.

قانات بوزىمباەۆ قارجى, تج, ەڭبەك جانە حالىقتى الەۋمەتتىك قورعاۋ مينيسترلىكتەرىنە زارداپ شەككەندەرگە وتەماقى تولەۋ ءتارتىبىن قايتا قاراۋدى تاپسىردى.

ۇلتتىق ەكونوميكا مينيسترلىگىنىڭ دەرەكتەرى بويىنشا, شاعىن جانە ورتا بيزنەس (شوب) سۋبەكتىلەرىنەن شىعىندى ءوتۋ بويىنشا جالپى سوماسى 3,4 ملرد تەڭگەگە 291 ءوتىنىم كەلىپ تۇسكەن. قاراجات ۇكىمەت رەزەرۆىنەن بولىنگەن, بىراق ءوتىنىش بەرۋشىلەردىڭ ۇشتەن ءبىرى عانا قاراجاتقا قول جەتكىزگەن. 

سۋ تاسقىنى كەزىندە تەحنيكانىڭ جەتىسپەۋشىلىگى ماسەلەسى تۋىندادى. ونى باسقا وبلىستاردان كوشىرۋ بويىنشا جەدەل شارالار قابىلداندى. بىرقاتار وڭىردە اكىمدەر قولدا بار اۆتوپارك سانى تۋرالى اقپاراتتى بىلمەگەن,  كەڭەستە تەحنيكانى ارنايى ەسەپكە الۋ قۇرىلىمىن قاراستىرۋ ماسەلەسى ورتاعا سالىندى.

«كولىك مينيسترلىگى وسى تالقىلاۋدى ەسكەرە وتىرىپ, تەحنيكانى, ونىڭ ىشىندە جەكە ۇيىمدارمەن تيەۋ, جەتكىزۋ جانە ءتۇسىرۋ الگوريتمىن پىسىقتاۋى قاجەت. ولاردى تج ايماقتارىنا تارتۋ جانە جەتكىزۋ ءۇشىن شىعىنداردى وتەۋ تەتىگىن كوزدەۋ كەرەك. مۇنىڭ ءبارىن زاڭنامالىق تۇرعىدان رەتتەپ, ءبىر اي مەرزىمدە كەلىسىلگەن ۇسىنىستار ەنگىزۋ قاجەت», دەدى قانات بوزىمباەۆ. 

تج كەزىندە ازاماتتاردىڭ مۇلكىن ساقتاندىرۋ ماسەلەلەرى جانە اپاتتار وبليگاتسياسىن شىعارۋ مۇمكىندىگى قارالدى.

ء«بىز بۇگىن بيىلعى سۋ تاسقىنى بويىنشا قورىتىندى جاساپ, كەلەسى جىلدىڭ سۋ تاسقىنى كەزەڭىنە دايىندىقتى باستاۋ ءۇشىن ارنايى جينالدىق. قازىر ءبىز تۇرعىن ءۇيدى قالپىنا كەلتىرۋ جانە زالالدى وتەۋ بويىنشا بارلىق جۇمىستاردى ۋاقتىلى اياقتاۋىمىز كەرەك. ەڭ باستىسى, زارداپ شەككەندەر كۇزگە دەيىن باسپانامەن قامتاماسىز ەتىلۋى ءتيىس. كوكتەمگە دەيىن ءالى ۋاقىت بار. بىراق سۋ تاسقىنى كەزەڭىنە دايىندىق شارالارى كۇزدە اياقتالۋى كەرەك. سۋ تاسقىنى قاتەلىكتى, ورىندالماعان جۇمىستاردى جانە جەتكىلىكسىز قارجىلاندىرۋدى كەشىرمەيدى», دەدى ۆيتسە-پرەمەر.