شىعارماشىلىق دەمالىس

مۋزىكالىق كەش­تىڭ العاشقى كۇ­نى ۆو­كال­دىق بو­لىگىندە سوپرانو داۋىستى قوس ءانشى ساحناعا شىقپاق. اتاپ ايتساق, ولار – يتا­­ليا­نىڭ پەزارو قالاسىندا دجواككينو روسسيني اتىن­داعى كونسەرۆاتوريادا ءبىلىم الىپ جاتقان ايىم اس­قار مەن ن.ريم­­سكي-كور­ساكوۆ اتىنداعى سانكت-پەتەر­بۋرگ مەملەكەتتىك كونسەرۆا­تو­رياسىنىڭ ستۋدەنتى مارتا ناباتوۆا.

ارتىستەر ۆ.ا.موتسارتتىڭ «في­­گارونىڭ ۇيلەنۋ تويى» وپەراسىنان سيۋزاننانىڭ ارياسى, دج.ءپۋچچينيدىڭ «بوگەما» وپەراسىنان ءمي­ميدىڭ ارياسى, تس.كيۋيدىڭ «سا­راتسين» وپەراسىنان انە­سانىڭ ارياسى, ە.ۆيللا-لو­بوستىڭ «سەزىمتال اۋەن» سىن­دى الەمدىك كلاسسيكا جاۋ­ھار­لارىن ورىندايدى. كوپ­شىلىك ۇنا­تاتىن ۇلتتىق تۋىن­دىلار م.تو­لەباەۆتىڭ «باقىت ۆالسi» مەن و.سۇلەي­مەنوۆتىڭ ولەڭىنە جازىلعان ع.جۇبانوۆانىڭ «يز تراۆى يا ۆزلەتەلا...» رومانسى شىر­قالادى.

كوپتەگەن ۆوكال بايقاۋ­ى­نىڭ, ونىڭ ىشىندە «قازاقستان جاستارىنىڭ 100 جاڭا ەسىمى» رەسپۋبليكالىق بايقاۋىنىڭ لاۋ­رەاتى مارتا ناباتوۆا «استانا وپەراداعى» مۋزى­كالىق دەما­لىس» توپتاماسى اياسىنداعى ەكىن­شى رەت ونەر كورسەتەيىن دەپ وتىر. تا­نىمال جوبا وتانعا ءجيى كەلە بەرمەيتىن ءانشى ءۇشىن تۋعان جەردە ونەرىن پاش ەتۋگە, پروفەسسورلارمەن بىرگە اتقار­عان تىڭ­عىلىقتى جۇمىسىن كوپشى­لىك­كە تانىستىرۋعا مۇمكىندىك ەكەنى انىق.

«رەپەرتۋارىمىزدىڭ بار­­لى­عىن دەرلىك تۋعان جەر­دەن جى­راقتا ورىنداپ جۇر­گەندىكتەن, اتالعان كون­تسەرتتى ءوز شىعارماشى­لى­عىمدى تىڭدارماندارعا سۇ­يىكتى تەات­ر ساحناسىندا تانىس­تىرۋ مۇمكىندىگى دەپ بىلەمىن, ويت­كەنى «استانا وپەرانىڭ» كەرە­مەت اكۋستيكاسى مەن ينتەرەرى سونداي شابىتتاندىرادى. ونەر كورسەتۋ باع­دارلاماسىن داۋىسىما قاراي جانە كوڭىلىمنىڭ قالاۋى بو­يىن­شا تاڭدادىم. سەبەبى مۋزىكا – بۇل ەڭ اۋەلى ادامنىڭ جانى, مەن ءۇشىن وسى كريتەري ماڭىزدى. باعدارلاماما سوڭعى سەمەسترلەردە قوسىلعان ميمي مەن انەسانىڭ اريالارىن قاتتى جاقسى كورەمىن. داۋىستى بارلىق دياپازوندا تولتىرۋ جانە كانتيلەنا سىندى ۆوكال تالاپتارى بار بولعاندىقتان, بۇل اريالار ايتارلىقتاي كۇردەلى», دەيدى مار­تا ناباتوۆا.

ۆوكاليستەرمەن بىرگە ساح­ناعا دارىندى اسپاپشىلار دا شىعاتىنىن اتاپ وتەيىك. گنە­سيندەر اتىنداعى رەسەي مۋزىكا اكادەمياسىنان فلەيتاشى كاميليا يسماگۋلوۆا, ساكسوفونشى اجار رايمحان مەن پيانيست ايشا رايمحان, سانكت-پە­تەربۋرگ كونسەرۆاتورياسىنان – پيا­نيست ما­ريا شاۆتەلسكايا, ال پ.ي.چايكوۆسكي اتىنداعى ماسكەۋ مەملەكەتتىك كون­سەرۆا­­تورياسىنان – ترومبونشى نۇر­عالىم سەرىكجان جانە وسى كون­سەرۆاتوريا جانىنداعى اكا­دە­ميالىق مۋزىكالىق ۋچيلي­ششە­دەن سكريپكاشى ادەليا دۇي­سەن­باي ارنايى كەلدى.

بۇل كەشتە شەبەر ان­سامبلدىك ورىنداۋشىلىق ونەردى تىڭدار­ماندارعا سكريپكاشى ديانا ابلاەۆا (ن.گ.جيگانوۆ اتىنداعى قا­زان مەملەكەتتىك كونسەرۆاتورياسى), ۆيولونچەلشى يل­حام ايمبەتوۆ (ماسكەۋ كونسەرۆاتورياسى) جانە پيانيست جاننا زدورنوۆا (قازاق ۇلتتىق ونەر ۋنيۆەرسيتەتى) سىندى اسپاپشىلاردان قۇ­رال­عان فورتەپيانولىق تريو ۇسىنادى.

جاس ارتىستەر تۋعان جەر­دە ونەر كورسەتۋ ءۇشىن دا­يىنداعان مازمۇندى ءارى سان الۋان باعدار­لاماعا اس­پاپتىق جانردىڭ تانىمال كلاسسيكالىق شىعارما­لارى ەندى. ونىڭ ىشىندە س.راح­مانينوۆتىڭ فورتەپيانوعا ار­نالعان «مۋزىكالىق سات­تەرى», ور. 16 №1, 2, 6 جانە فور­تەپيانو, سكريپكا جانە ۆيولونچەلگە ارنالعان №2 ەلە­گيالىق تريو, رە مينور, op. 9, 1-ءبولىم, س.پرو­كوفەۆتىڭ فورتەپيانوعا ارنالعان №3 سوناتاسى, ليا مينور, ور.28 جانە ا.ۆاينەننىڭ راپسوديا, 2 جانە 3-بولىمدەرى بار.

ال «استانا وپەراداعى» مۋ­­­زىكالىق دەمالىس» ەكىنشى كونتسەرتى اياسىندا 2 تامىزدا كەلە­شەگىنەن ۇلكەن ءۇمىت كۇت­تىرە­تىن اسپاپشىلار – اقش-تاعى Carnegie Mellon University-دەن پەركۋسسيونيست ايدار فازىلوۆ, ماسكەۋ كونسەرۆاتورياسىنان سكريپكاشى ديانا ماقاجان مەن پيانيست باتىرحان سۇلەيمەن, ۆ.يانكوۆسكي اتىن­داعى ءنوۆوسىبىر ارنايى مۋ­زىكالىق مەكتەبىنەن فاگوتشى ابىلاي جۇماكە, گنە­سيندەر اتىنداعى رەسەي مۋزىكا اكادەمياسىنىڭ مۋ­زىكالىق ۋچيليششەسىنەن پيانيست راديا ورازالينوۆا مەن فلەيتاشى افينا ما­ۆيدي كلاسسيكا ىزدە­گەن قاۋىمعا ونەر كورسەتەدى. فور­تەپيانو پارتياسىن مەرۋەرت جە­كە­نوۆا, لياززات كەنجينا ورىندايدى.

اتالعان جوبا – شەتتە جۇرگەن ەلىمىزدىڭ جاس ورىنداۋشىلارىن قول­داۋعا با­عىتتالعان. جاس ونەر­پاز­دارعا قولداۋ كورسەتىپ, كورەر­مەنمەن قاۋىشتىرۋ – وسى تەاتردىڭ يگى ىستەرىنىڭ ءبىرى دەپ بىلەمىز. ارينە, مۇنداي باستا­مالاردىڭ كەلەشەگى زور ارتىس­تەردى دامىتۋعا, تا­نىتۋعا ىقپال ەتەرى ءسوزسىز. بۇل جوبا ارقى­لى ونەر جولىن ەندى باستاپ جات­قان دارىندار كوپشىلىكتى ءوز شىعار­ماشىلىعىمەن قۋانتىپ قانا قويمايدى, سونىمەن قا­تار وتان­داستارىمەن كەزدەسۋدەن وزدەرى دە شابىتتانا تۇسەدى. ويتكەنى ۇزاققا سو­زىلعان قارقىندى وقۋ جىلىنان كەيىن ءار جاز سايىن بۇل جاستار ۇيلەرىنە ءوز ەلى­نىڭ كو­رەرمەندەرىن كورۋگە جانە ولارعا ءوز جەتىستىك­تەرىن كورسەتۋگە دەگەن قۇل­شىنىسپەن اسىعادى.