بەلگيالىق ايەل اسىراپ العان جانىبەك اۋىسىپ كەتۋى مۇمكىن. كۇدىككە تۇرتكى بولعان مالىمەتتەردى جۋرناليست قىمبات دوسجان الەۋمەتتىك جەلىدەگى پاراقشاسىندا جاريالادى, دەپ جازادى Egemen.kz.
جۋرناليست ارقالىق جانە اتباسار قالاسىنىڭ حالقىنىنان كومەك سۇراپ, باتتالوۆا جاننا بەكەنوۆا ەسىمدى تۇرعىنعا ارقالىق قالالىق پوليتسيا باسقارامسى مەن «بارمىسىڭ, باۋىرىم» حابارىنىڭ رەداكتسياسى ىزدەۋ جاريالاعانىن مالىمدەدى.
ارحيۆ قۇجاتتارىنان جانىبەكتىڭ اناسى بولۋى مۇمكىن ازاماتتىڭ قولحاتى تابىلعان. بۇعان دەيىن جانىبەكتىڭ اناسى بولۋى مۇمكىن جازيرانىڭ دنق ساراپتاماسى 0 پايىز كورسەتكەن ەدى. رەداكتسيا جاننا مەن جازيرانىڭ بالالارى اۋىسىپ كەتۋى ىقتيمال ەكەنىن العا تارتادى. سونداي-اق ەكى انانىڭ پەرزەنتى ءبىر كۇندە بالالار ۇيىنە تاپسىرىلعان.
ء«بىز نەگە جاننا باتتالوۆانى ىزدەپ وتىرمىز؟ جاۋابى: تابىلعان مالىمەتتەر اراسىندا دانياردىڭ فوتوسى بار. ەستەرىڭىزگە سالساق, جانىبەكتىڭ قۇجاتىندا اناسى دەپ جازىلعان «جازيرا» بىلتىر جەلتوقساندا تابىلدى. ول ايەل 2002 جىلدىڭ قاڭتارىندا پەرزەنتحاناعا قۇجاتسىز جەدەل جاردەممەن بارىپ, بوسانىپ بالانىڭ ەسىمىن «جانىبەك» دەپ قويىپ, 4 كۇننەن كەيىن دارىگەرلەرگە اتى-ءجونىن وتىرىك ايتىپ, قولحات جازىپ, پەرزەنتحانادان كەتىپ, سول كۇيى ورالماعان, ونى ءوزى مويىنداپ وتىر», دەپ جازدى قىمبات دوسجان.
بۇعان دەيىن جانىبەكتى اسىراپ العان بەلگيالىق ۆالەريدىڭ ومىردەن وتكەنىن حابارلاعان ەدىك.