«قازگيدرومەت» رمك الداعى ءۇش كۇنگە ارنالعان اۋا رايى بولجامىن جاريالادى, دەپ جازادى Egemen.kz.
مەكەمە مالىمەتىنشە, 23, 24 جانە 25 شىلدە كۇندەرى قازاقستان اۋماعىندا اتموسفەرالىق قىسىم تومەندەپ, قۇبىلمالى اۋا رايى قالىپتاسادى.
ماسەلەن, 24-25 شىلدە ارالىعىندا ەلدىڭ باسىم بولىگىندە وتكىنشى جاڭبىر جاۋىپ, نايزاعاي ويناپ, ەكپىندى جەل سوعادى, كۇندىز سولتۇستىك-باتىستا, سولتۇستىكتە بۇرشاق جاۋى مۇمكىن. ال شىعىس پەن وڭتۇستىكتە اۋا تەمپەراتۋراسى كوتەرىلەدى.
«كۇندىز اۋا تەمپەراتۋراسى رەسپۋبليكانىڭ شىعىسىندا +30...+35, وڭتۇستىكتە +38...+43, وڭتۇستىك-شىعىستا +31...+37 دەيىن كوتەرىلەدى دەپ بولجانىپ وتىر», دەلىنگەن «قازگيدرومەت» رمك حابارلاماسىندا.