اقتوبەدەگى جەكە كومپانيانىڭ بۋحگالتەرى 6 ميلليون تەڭگەدەن استام اقشا ۇرلاپ, اناسىنىڭ بانكتىك شوتىنا اۋدارىپ جىبەرگەن, دەپ حابارلايدى Egemen.kz.
"دياپازون" باسىلىمنىڭ جازۋىنشا, 51 جاستاعى اقتوبەلىك تۇرعىن جەكە كومپانياعا باس بۋحگالتەر بولىپ ورنالاسقان. ارادا ءتورت اي وتكەن سوڭ جۇمىس ورنىنان اقشا ۇرلاي باستاعان.
- ول اناسىنىڭ بانكتىك شوتىنا ميلليونداعان تەڭگەنىڭ بىرنەشە ترانشىن اۋدارعان, ال ەسەپتىك قۇجاتتامادا بۇل جەتكىزىلگەن تاۋار ءۇشىن اقشا ەكەنىن كورسەتكەن. بىرنەشە ايدىڭ ىشىندە ول كومپانيانىڭ شوتىنان 6 ميلليون تەڭگە ۇرلاپ كەتتى. اناسى قىزىنىڭ قارجىلىق ايلا-امالدارى تۋرالى بىلمەگەن, تەك نەسيەسىن وتەۋ ءۇشىن بانكتىك كارتاسىن بەرگەنىن ايتتى, - دەپ حابارلادى باسىلىم.
سوت ۇكىمىنە دەيىن بۇرىنعى باس بۋحگالتەر زالالدىڭ جارتىسىنا جۋىعىن وتەگەن, بىراق بۇل ونى جازادان قۇتقارعان جوق. سوت ايەلدى 3 جىلعا باس بوستاندىعىنان ايىردى, بىراق كىشى بالاسى 14 جاسقا تولعانعا دەيىن ءبىر جىلعا كەيىنگە شەگەرىلدى.