تسيفرلىق ۆاليۋتا ازىرلەۋگە كۇش بىرىكتىرمەك

قوس مەملەكەتتىڭ قارجى ينستيتۋتتارى ورتالىق بانكتەردىڭ تسيفرلىق ۆاليۋتالارى (Central Bank Digital Currency/CBDC) سالاسىنداعى زەرتتەۋلەرگە باعىتتالعان ىنتىماقتاستىق تۋرالى مەموراندۋمعا قول قويدى. قۇجات قحر توراعاسى سي ءتسزينپيننىڭ قازاقستانعا مەملەكەتتىك ساپارى بارىسىندا قابىلداندى. مەموراندۋم اياسىندا بانكتەر CBDC سالاسىندا تاجىريبە مەن ساراپتاما الماسۋ, سونداي-اق وسى سالادا بىرلەسكەن زەرتتەۋلەر جۇرگىزۋ تۋرالى كەلىسكەن.

بۇدان باسقا, تاراپتار بىرلەسكەن وقىتۋ باعدارلامالارى ارقىلى قىزمەتكەرلەردىڭ قۇزىرەتتىلىگىن دامىتۋدى جوسپارلاپ وتىر. مەموراندۋمنىڭ ماقساتتارىن ىسكە اسىرۋعا سونداي-اق قازاقستان ۇلتتىق بانكىنىڭ ۇلتتىق تولەم كورپوراتسياسى مەن قىتاي حالىق بانكىنىڭ تسيفرلىق ۆاليۋتا ينستيتۋتى قاتىسادى.

– قول قويىلعان قۇجات قارجى سالاسىنداعى حالىقارالىق ىنتىماقتاستىقتىڭ جانە ەكى ەلدىڭ يننوۆاتسيالارعا, تسيفرلىق تەحنولوگيالاردى دامىتۋعا ۇمتىلىسىنىڭ ماڭىزدىلىعىن اتاپ كورسەتەدى. ورتالىق بانكتىڭ تسيفرلىق ۆاليۋتاسى (Central Bank Digital Currency/CBDC) – ورتالىق بانك باقىلايتىن جانە شىعاراتىن ۇلتتىق ۆاليۋتانىڭ ەلەكتروندى بالاماسى. Cryptocurrency سالاسىنداعى كوپتەگەن ساراپشى CBDC قارجى جۇيەسىن اۋىستىرۋعا قابىلەتتى نەگىزگى ۇردىسكە اينالادى دەپ بولجايدى, – دەلىنگەن حابارلامادا.