قازاقستانداعى زەينەتاقىنىڭ ورتاشا مولشەرى قانشا

ەڭبەك مينيسترلىگىنىڭ مالىمەتىنشە جىل باسىنان بەرى رەسپۋبليكالىق بيۋدجەتتەن 1 ترلن 861,7 ملرد تەڭگە سوماسىنا زەينەتاقى تولەنگەن, ونىڭ ىشىندە بازالىق زەينەتاقى تولەۋگە – 585,9 ملرد تەڭگە, ىنتىماقتى زەينەتاقى تولەۋگە – 1 ترلن 275,8 ملرد تەڭگە قاراستىرىلعان.

«2024 جىلعى 1 شىلدەدەگى جاعداي بويىنشا زەينەتكەرلەر سانى – 2 ملن 391 مىڭ ادام. 2024 جىلعى 1 شىلدەدەگى جاعداي بويىنشا جيىنتىق زەينەتاقىنىڭ ورتاشا مولشەرى 132 110 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى – 89 479 تەڭگە, بازالىق زەينەتاقى – 42 631 تەڭگە», دەلىنگەن حابارلامادا.

ەسكە سالا كەتەيىك, ماۋسىم ايىندا زەينەتاقىنىڭ ورتاشا مولشەرى 132 401 تەڭگەنى قۇراعان ەدى.