2024 جىلدىڭ قاڭتار-ناۋرىز ايلارى ارالىعىندا قازاقستاننىڭ كۋرورتتىق ايماقتارىن 766 588 تۋريست ارالاعان, دەپ حابارلايدى Egemen.kz.
تۋريزم يندۋسترياسى كوميتەتى قازاقستاندا ەڭ تانىمال 5 كۋرورتتىق ايماقتاردى اتادى:
ءبىرىنشى ورىن – الماتى تاۋ كلاستەرى. بۇل ايماقتىڭ تابيعاتى مەن تاۋ پەيزاجدارىن 551 965 تۋريست تاماشالاعان. ەكىنشى ورىن – ششۋچينسك-بۋراباي كۋرورتتىق ايماعى. كوكشەتاۋدىڭ تابيعي سۇلۋلىعى, وسى ايماقتىڭ كولدەرى مەن ورماندارى 69 103 ساياحاتشىنى قىزىقتىرعان. ءۇشىنشى ورىن – ماڭعىستاۋ كۋرورتتىق ايماعى. كاسپي تەڭىزىنىڭ بىرەگەي تابيعي لاندشافتتارى مەن جاعالاۋى 57 529 تۋريست ءۇشىن دەمالىس ورنىنا اينالعان. ءتورتىنشى ورىن – تۇركىستان تۋريستىك ايماعى. تۇركىستاننىڭ باي تاريحى مەن مادەني مۇراسى 26 069 قوناقتى قىزىقتىرعان. بەسىنشى ورىن – التاي كۋرورتتىق ايماعى. 2024 جىلدىڭ العاشقى ءۇش ايىندا بۇل كوركەم ايماققا 20 696 تۋريست كەلگەن.