قىرعىزستان پرەزيدەنتى سادىر جاپاروۆتىڭ جيەنى ۇلان جاپاروۆ الاياقتىق جاسادى دەگەن كۇدىككە ءىلىندى, دەپ حابارلايدى Egemen.kz Vesti.kg سايتىنا سىلتەمە جاساپ.
بىشكەكتىڭ ءبىرىنشى ماي اۋداندىق سوتى تاراتقان اقپاراتقا سايكەس, 21 ماۋسىمدا سوت ۇلتتىق قاۋىپسىزدىك مەملەكەتتىك كوميتەتىنىڭ بىشكەك قالاسى بويىنشا تەرگەۋشىسىنىڭ ءوتىنىشىن قاناعاتتاندىرىپ, ۇلان جاپاروۆتى 19 تامىزعا دەيىن قاماۋعا الۋ تۋرالى شەشىم شىعارعان.
انىقتالعانداي, بۇل جولى ۇلان جاپاروۆتى ۇلتتىق قاۋىپسىزدىك كوميتەتى ۇستاعان.
ەسكە سالا كەتەيىك, وتكەن جىلى ۇلان جاپاروۆ سىبايلاس جەمقورلىققا قاتىسى بار دەگەن كۇدىككە ءىلىنىپ, قاماۋعا الىنعان ەدى. ول ءۇش ايدان استام ۋاقىت بويى قاماۋدا بولىپ, كەيىن بۇلتارتپاۋ شاراسى بويىنشا ۇيقاماققا اۋىستىرىلعان.
تەرگەۋ امالدارى قالاي اياقتالعانى ءالى بەلگىسىز.