فرانتسيا قۇراماسىنىڭ شابۋىلشىسى مادريدتىك كلۋبپەن 2029 جىلدىڭ جازىنا دەيىن كەلىسىمگە قول قويدى. جاقىندا سانتياگو بەرنابەۋدە فۋتبولشىنىڭ رەسمي تانىستىرىلىمى وتەدى, دەپ حابارلايدى Egemen.kz.
كەلىسىمشارتقا قول قويۋ ءراسىمى بۇگىن «سانتياگو بەرنابەۋ» ستاديونىنىڭ ءباسپاسوز ورتالىعىندا وتكەن. كلۋب پرەزيدەنتى فلورەنتين پەرەس 25 جاستاعى شابۋىلشىعا 9-ءنومىرلى جەيدە سىيلاعان.
جەرگىلىكتى ۋاقىت بويىنشا تۇستە مباپپە رەال ءمادريدتىڭ ءۇي ستاديونى سانتياگو بەرنابەۋدە رەال مادريد ويىنشىسى رەتىندە تانىستىرىلعان.
فرانتسۋزدىق شابۋىلشى «پاري سەن-جەرمەنمەن» كەلىسىمشارتى اياقتالعاننان كەيىن ەركىن اگەنت رەتىندە مادريدتىك كومانداعا قوسىلعان. «رەال» ماۋسىمنىڭ باسىندا ونىڭ اۋىسۋى تۋرالى جاريالاعان ەدى. پاريج كلۋبىندا ويناعان 7 جىل ىشىندە ول 308 ماتچ وتكىزىپ, 256 گول سوعىپ, 108 ناتيجەلى پاس بەرگەن.
كيليان مباپپە 2017 جىلدان بەرى پسج ساپىندا وينادى.
ايتا كەتەرلىگى, 25 جاستاعى مباپپە وسى ماۋسىمدا 48 ماتچتا 44 گول سوققان.
ەسكە سالا كەتەيىك, «رەال مادريد» وتكەن ماۋسىمدا چەمپيوندار ليگاسىن, چەمپيوندىق جانە يسپانيا سۋپەركۋبوگىن جەڭىپ العان بولاتىن.