جامبىل وبلىسىندا پوليتسەيلەر مەملەكەتارالىق ىزدەۋدە جۇرگەن 43 جاستاعى ايەلدى ۇستادى, دەپ جازادى Egemen.kz.
كۇدىكتى قىرعىزستان ازاماتى ەكەنى انىقتالدى.
ايەل ادام 2023 جىلدىڭ قاراشا ايىنان باستاپ وزبەكستان رەسپۋبليكاسى قىلمىستىق كودەكسىنىڭ 169-بابى 2-بولىگى بويىنشا ۇرلىق جاساعانى ءۇشىن مەملەكەتارالىق ىزدەۋدە بولعان.
ول رەسەي, قازاقستان, وزبەكستان جانە قىرعىزستان اۋماعىندا زەرگەرلىك دۇكەندەردەن التىن بۇيىمداردى ۇرلاعان.
ۇستالعان كەلىنشەك جامبىل وبلىسى قورداي اۋدانىنداعى زەرگەرلىك دۇكەننەن التىن بۇيىمداردى دا قولدى ەتكەن.
كۇدىكتى ۋاقىتشا ۇستاۋ يزولياتورىنا قامالدى, الداعى ۋاقىتتا ول وزبەكستان رەسپۋبليكاسى سامارقاند وبلىسىنىڭ ءىىب قىزمەتكەرلەرىنە بەرىلەدى.