14 شىلدە كۇنى لاس-ۆەگاستا كاسىپقوي بوكسشى جانىبەك الىمحان ۇلى جاڭازەلانديالىق اندرەي ميحايلوۆيچكە قارسى رينگكە شىعۋ كەرەك ەدى. الايدا جەڭىلىپ كورمەگەن جەرلەسىمىز سالماق قۋ بارىسىندا قيىندىققا تاپ بولىپ, اۋرۋحانادان ءبىر-اق شىقتى, دەپ جازادى Egemen.kz.
جانىبەك ءالىمحان ۇلى وسى جاعدايدان كەيىن الەۋمەتتىك جەلىدەگى پاراقشاسىندا وقىرماندارىنا دەنساۋلىعىنىڭ جاي-كۇيىن بايانداپ وتىر.
«قۋانىشتا بىرگە بولعان جانكۇيەرلەرىم, قيىندىقتا دا قاسىمنان تابىلىپ جاتقانىنا قۋانىشتىمىن. بارشاڭىزعا اللا رازى بولسىن. تىلەك, دۇعالارىڭىزعا راقمەت!دەنساۋلىعىم دۇرىستالدى. قازىر بارلىعى جاقسى. بۇيىرتسا كەلەسى جوسپاردى اقىلداسىپ جاتىرمىز», دەپ جازدى ول.