استانا حالىقارالىق اۋەجايى ميلان مەن قازاقستان استاناسىن بايلانىستىراتىن NEOS-تىڭ جاڭا رەيسىن قارسى الدى, دەپ حابارلايدى Egemen.kz.
13 شىلدەدە يتاليانىڭ قازاقستانداعى ەلشىسى البەرتي ماركونىڭ, سونداي-اق قر كم ازاماتتىق اۆياتسيا كوميتەتى حالىقارالىق بايلانىستار ءبولىمىنىڭ باسشىسى ادىلەت مايباسار ۇلى كوبەنوۆتىڭ قاتىسۋىمەن ميلان-استانا رەيسىنىڭ رەسمي اشىلۋى سالتاناتتى تۇردە ءوتتى, دەپ مالىمدەدى نۇرسۇلتان نازارباەۆ حالىقارالىق اۋەجايى.
- NEOS اۆياكومپانياسىنىڭ رەيستەرى Boeing 787 Dreamliner ۇشاعىندا ورىندالادى. بۇل جولاۋشىلارعا ميلاننان قازاقستاننىڭ استاناسىنا جانە كەرى باعىتقا جىلدام ءارى جايلى ساياحاتتاۋعا مۇمكىندىك بەرەدى, – دەپ تولىقتىردى اۋەجاي.
شارا قوناقتارى ەكى استانا اراسىندا تىكەلەي اۋە قاتىناسىنىڭ اشىلۋى ساۋدا-ەكونوميكالىق, مادەني-گۋمانيتارلىق بايلانىستار مەن ءتۋريزمدى دامىتۋعا سەپتىگىن تيگىزەتىنىن اتاپ ءوتتى. NEOS اۆياكومپانياسىمەن ىنتىماقتاستىق قازاقستاننىڭ ازاماتتىق اۆياتسياسى جانە كولىك-لوگيستيكالىق سالاسىنىڭ دامۋىنا وڭ اسەر ەتەدى.