عىلىم جانە جوعارى ءبىلىم مينيسترلىگى قابىلداۋ كوميسسيالارىنىڭ بۇگىن دە جۇمىستارىن جالعاستىرىپ جاتقانىن حابارلادى, دەپ جازادى Egemen.kz.
ءبىرىنشى كۇنى 14 مىڭعا جۋىق قۇجات قابىلداندى.
تاعى دا ەستەرىڭىزگە سالا كەتەمىز, قۇجاتتاردى قابىلداۋ:
ەGov ارقىلى ونلاين فورماتتا; جوو-لاردىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلادى; سونىمەن قاتار, جوعارى وقۋ ورىندارىندا ۆيرتۋالدى قابىلداۋ كوميسسيالارى جۇمىس ىستەيدى.قۇجاتتاردى كەز كەلگەن جوو (ورنالاسقان جەرى بويىنشا) ارقىلى تاپسىرۋعا بولادى.
اتاپ وتسەك, وتاندىق جوو-لارعا وقۋعا ءتۇسۋ ءۇشىن تالاپكەرلەر جەكە كۋالىك, ۇبت سەرتيفيكاتىن; 3ح4 كولەمىندەگى فوتو, ورتا ءبىلىم تۋرالى اتتەستات (تەحنيكالىق جانە كاسىپتىك ءبىلىم بەرۋ (تجكب) ۇيىمدارىنىڭ تۇلەكتەرى ءۇشىن ديپلوم), سونداي-اق, جەڭىلدەتىلگەن سانات بويىنشا كونكۋرسقا قاتىسۋ ءۇشىن راستايتىن قۇجاتتار ۇسىنادى.