13 شىلدەگە قاراعان ءتۇنى جانىبەك ءالىمحان ۇلى ەمدەلۋگە جاتقان اقش-تاعى مەديتسينالىق ورتالىقتان شىقتى, دەپ حابارلايدى Egemen.kz
لاس-ۆەگاس قالاسىندا ورنالاسقان Spring Valley مەديتسينالىق ورتالىعىندا بولعانى تۋرالى بوكسشى Instagtam-داعى پاراقشاسىندا جازدى.
- ءار قيىندىق ارتىندا جەڭىلدىك بار! سالماق قۋ بارىسىنداعى سىناقتى دا باستان وتكىزىپ جاتىرمىز, اعايىن! ۋايىمداپ جاتقان جاناشىر جاننىڭ بارىنە كوپ راقمەت! اللاعا شۇكىر, اۋرۋحانادان شىقتىق. دەنساۋلىق ءبىرىنشى ورىندا! اۋىرماڭىزدار, جاقىندارىڭىز اۋىرماسىن! ءبىز جاۋىنگەرمىز عوي, مۇنداي سىناقتار ءبىزدى سىندىرمايدى, شىڭدايدى! بۇيىرتسا ءالى تالاي الەمگە قازاق ءستيلىن كورسەتەمىز! قولداۋلارىڭىزعا راقمەت!, - دەلىنگەن جازبادا.
5 شىلدەدە جانىبەك ءالىمحان ۇلى الداعى جەكپە-جەككە قالاي دايىندالىپ جاتقانىن كورسەتىپ, جەلىدە ۆيدەو جاريالاعان بولاتىن. سودان كەيىن ول بارشاعا جىلدىڭ ەڭ ۇزدىك نوكاۋتىن كورسەتەتىنىن مالىمدەدى. بىراق جانىبەك ءالىمحان ۇلى جاڭا زەلانديالىق سپورتشى اندرەي ميحايلوۆيچپەن بولاتىن جەكپە-جەك الدىندا, 12 شىلدەدە اقش-تا اۋرۋحاناعا ءتۇسىپ قالدى.