الەمدەگى ەڭ قۇرعاق ءشول – اتاكاما. قانشا جىلدان كەيىن ەرەكشە قۇبىلىس ورناپ, بيىل ءشول دالا گۇلگە وراندى. ونىڭ سەبەبى – قىستا توقتاۋسىز جاۋعان جاڭبىر.
عالىمداردىڭ ايتۋىنشا, مۇنداي جاعداي «ەل-نينو» دەپ اتالاتىن تابيعي جاعدايدىڭ اسەرىنەن بولادى. سيرەك كەزدەسەتىن كورىنىسكە كۋا ساياحاتشىلار جاپپاي اتاكاماعا اعىلا باستادى. دەگەنمەن ءچيليدىڭ سولتۇستىگىندە ورنالاسقان اتاكاما ءشولىنىڭ گۇلدى كىلەمگە ورانۋى العاش ەمەس. 2015 جىلى تولاسسىز جاڭبىردان كەيىن ءشول دالادا ءدال وسىلاي گۇلگە ورانعان ەدى.