XXXIII جازعى وليمپيادا ويىندارى فرانتسيا استاناسى پاريجدە جالاۋىن جەلبىرەتەدى. 26 شىلدە - 11 تامىز ارالىعىندا وتەتىن ءدۇبىرلى دوداعا ازىرگە الەمنىڭ 197 مەملەكەتى مەن بوسقىندار قۇراماسى, بەيتاراپ سپورتشىلار قاتىسادى, دەپ جازادى Egemen.kz.
پاريج وليمپياداسىنىڭ ىرىكتەۋ كەزەڭى اياقتالدى.
الەم ەلدەرىنەن ءتورت جىلدىقتىڭ باستى باسەكەسىنە ەڭ كوپ اقش-تان - 592 سپورتشى باق سىنايدى.
ودان كەيىنگى ورىندا فرانتسيا تۇر. بۇل ەلدەن 587 اتلەت وليمپيادا جۇلدەسىنە ۇمىتكەر. ال ۇزدىكتەردىڭ ۇشتىگىن 468 وليمپيادا جولداماسىنىڭ يەگەرى بار اۋستراليا تۇيىندەيدى.
توپ - وندىق قۇرامىندا:
گەرمانيا - 425;
جاپونيا - 411;
قىتاي - 398;
يسپانيا - 382;
يتاليا - 366;
ۇلىبريتانيا - 327;
كانادا - 318 سىندى ەلدەردىڭ سپورتشىلارى بار.
ال قازاقستان 80 سپورتشىمەن 38-ورىنعا جايعاسقان. وزبەكستان قۇراماسى بىزدەن ءبىر ساتى جوعارىدا. پاريج وليمپياداسىندا كورشى ەل نامىسىن 86 اتلەت قورعايدى.
بۇگىنگە دەيىن 65 ەلگە پاريج جولداماسى بۇيىرماي تۇر.