توعىزقۇمالاق ويىنىن ەكۆادوردا ءسۇيىپ وينايتىن ازاماتتار بار. كەيىنگى ءبىر جىلدا حالىق ءوز ەركىمەن ۇيىرمە اشىپ, قازاقتىڭ ويىنىن دارىپتەپ ءجۇر.
حۋان كارلوس توعىزقۇمالاققا قىزىققانى سونشا, ارنايى تاقتاسى بولماسا دا, ويناۋدىڭ امالىن تاپقان. ء«وز تاقتام بولماعان سوڭ, جاپوننىڭ گو ويىنىنىڭ تاستارىن الدىم دا, ويىن كارتالارىن وتاۋ ەتىپ ءتىزىپ قويدىم. ال اق تاستاردى تۇزدىقتى بەلگىلەۋ ءۇشىن قولدانامىن. ءبىر جاعىنا قىزىل كارتالاردى, ەكىنشى جاعىنا قارا كارتالاردى قويىپ, كىمنىڭ باستاۋشى, كىمنىڭ قوستاۋشى ەكەنىن دە شەشۋگە بولادى», دەيدى ول. بۇل ەلگە توعىزقۇمالاقتى اكەلگەن – كولۋمبيالىق حەرمان گونزالەس ەسىمدى ازامات. ولار ويىنىمىزدى ەكۆادورداعى جالپىحالىقتىق ويىن ەتكىسى كەلەدى ەكەن. تالابىمىز دا, تالانتىمىز دا بار, تاقتامىز جوق دەيدى.