جەمقورلىققا جول بەرىلمەۋى ءتيىس

كەشە باس پروكۋرور قايرات ءماميدىڭ توراعالىعى­مەن قۇقىق قورعاۋ ورگاندارى ۇيلەستىرۋ كەڭەسىنىڭ كەزەكتى ءماجىلىسى ءوتىپ, وندا سىبايلاس جەمقورلىقپەن كۇرەس ماسەلەلەرى, سونداي-اق بۇۇ كوميتەتىنىڭ ازاپتاۋعا قارسى ۇسىنىستارىن جۇزەگە اسىرۋ بارىسى قارالدى. سىبايلاس جەمقورلىق­پەن كۇرەستىڭ تيىمدىلىگىن ودان ءارى ارت­تىرۋ, ونىڭ ىشىندە مەم­لە­كەت­تىك قۇرى­لىم­دارداعى سىبايلاس جەم­قورلىقپەن كۇرەس قۇ­قىق قورعاۋ ورگاندارى قىزمەتى­نىڭ باسىم باعىت­تارىنىڭ ءبىرى بولىپ تا­بى­لادى. قۇ­زىر­لى ۆەدوم­ستۆو­لار سىباي­لاس جەمقورلىق كورى­نىستەرىن جويۋ, ولاردى ۋاقتىلى انىق­تاپ, جولىن كەسۋ, سون­داي-اق مۇنداي قۇقىق بۇزۋ­شىلىقتار ءۇشىن جازالان­باي قالمايتىن قا­عيداتتى جۇزەگە اسىرۋدى قام­­تا­ما­سىز ەتۋ بويىنشا شارالار قول­دا­نۋ­دا. ءۇي­لەس­تى­رۋ كە­ڭە­سى­نىڭ ءمۇ­شەلەرى قۇقىق قورعاۋ ورگان­دارى­نىڭ بۇل ماسەلەدەگى ءوزارا ءىس-قيمىل تۇرعىسىن­داعى جۇمىس­تا­رى مەن ولار­دىڭ دارەجەسىنە وڭ باعا بەر­دى جانە قازىرگى قول­دانىس­تاعى زاڭداردى جەتىلدىرۋ مەن زاڭدىلىقتى نىعايتۋ ماسە­لەلەرىن تالقىلادى. سونداي-اق, كەڭەس بۇۇ كومي­تە­تىنىڭ ازاپتاۋعا قار­سى ۇسىنىس­تارىن جۇزەگە اسىرۋ جونىندەگى شا­را­لار­دى قارا­دى. باس پروكۋ­رور سىبايلاس جەمقورلىق كورى­نىستەرىمەن كۇرەستىڭ ەڭ جوعارى ءتيىمدى­لىگىن قامتا­ما­­سىز ەتۋدىڭ ما­ڭىزدىلى­عىن جانە بۇل با­عىتتا كۇش-جىگەردى بوساڭسى­تۋ­عا بولماي­تىنىن, سول سياقتى ازاماتتاردى ازاپتاۋ جانە ولارعا قاتىگەزدىكپەن قا­راۋ­دىڭ باسقا دا دەرەك­تەرىنىڭ جولىن كەسۋدىڭ قا­جەتتىلىگىن اتاپ ءوتتى. تالقى­لاۋ قورى­تىن­دىسى بويىنشا قۇقىق قورعاۋ ورگان­دارىنىڭ سى­بايلاس جەمقورلىق­پەن جانە ازاپتاۋمەن كۇرەس جونىندەگى قىزمەتتەرىن ودان ءارى كۇشەيتۋگە با­عىتتالعان شەشىم قابىل­داندى, دەپ حا­بارلادى باس پروكۋراتۋرا­نىڭ ءباسپاسوز قىز­مەتى.