بۇگىن قوستاناي قالاسىنىڭ «IQostanay» ورتالىعىندا پرەزيدەنت قاسىم-جومارت توقاەۆ جاريالاعان «تسيفرلاندىرۋ جىلى» اياسىندا اۋىل جاستارىنىڭ الەۋەتىن ارتتىرۋعا باعىتتالعان «Auyl Jastary» رەسپۋبليكالىق سەمينارى ءوز جۇمىسىن باستادى. «اۋىل» پارتياسى ۇيىمداستىرعان بۇل شارا اۋىل مەن قالا اراسىنداعى تسيفرلىق الشاقتىقتى جويىپ, جاڭا بۋىن ماماندارىنىڭ تەحنولوگيالىق باسەكەگە قابىلەتتىلىگىن نىعايتۋدى كوزدەيدى, دەپ حابارلايدى Egemen.kz.
سەميناردىڭ مازمۇنى تەك تەحنولوگيامەن شەكتەلمەي, ەلىمىزدەگى كونستيتۋتسيالىق رەفورمالاردىڭ ماڭىزىنا دا باعىتتالدى. جاڭا قۇقىقتىق ارحيتەكتۋرا اياسىندا جاستاردىڭ مەملەكەتتىك باسقارۋ مەن رەفورمالاردى ىسكە اسىرۋداعى بەلسەندىلىگى ساياسي ساۋاتتىلىقتى ارتتىرۋدىڭ نەگىزگى فاكتورى رەتىندە قارالدى.
سەميناردىڭ رەسمي ءبولىمىن «اۋىل» پارتياسى توراعاسىنىڭ ورىنباسارى عالىمجان قۇسمانعالي اشتى. ءوز سوزىندە ول ەلىمىزدە ءجۇرىپ جاتقان اۋقىمدى ساياسي جاڭعىرۋلارعا توقتالىپ, كونستيتۋتسيالىق رەفورمالاردىڭ ماڭىزدىلىعىن ەرەكشە اتاپ ءوتتى.
كونستيتۋتسيالىق رەفورما جاستارعا قانداي مۇمكىندىكتەر ۇسىنادى؟
«مەملەكەت باسشىسىنىڭ باستاماسىمەن جۇزەگە اسقان كونستيتۋتسيالىق رەفورمالار − «ادىلەتتى قازاقستاندى» قۇرۋدىڭ بەرىك قۇقىقتىق نەگىزى بولدى. بۇل وزگەرىستەر تەك زاڭنامالىق جاڭارتۋ ەمەس, بۇل − ازاماتتاردىڭ مەملەكەتتى باسقارۋ ىسىنە ارالاسۋىنا جول اشقان جاڭا ساياسي مادەنيەتتىڭ باستاۋى. بۇگىنگى تسيفرلىق داۋىردە جاستار وسى رەفورمالاردىڭ باستى قوزعاۋشى كۇشى ءارى بەلسەندى قاتىسۋشىسى بولۋى ءتيىس», دەدى ع.قۇسمانعالي.
قاتىسۋشى اۋىل جاستارى مەن پارتيا بەلسەندىلەرى ەلىمىزدەگى كونستيتۋتسيالىق رەفورمالاردى ءبىر اۋىزدان قولدايتىندارىن مالىمدەدى. جاستار بۇل رەفورمانى جاڭا مۇمكىندىكتەر مەن دەموكراتيالىق دامۋدىڭ كەپىلى رەتىندە باعالاپ, «ادىلەتتى قازاقستان» قۇرۋ جولىندا بەلسەندىلىك تانىتۋعا دايىن ەكەندىكتەرىن جەتكىزدى.
قوستاناي وبلىسى اكىمىنىڭ ورىنباسارى ب. نارىمبەتوۆ پەن پارتيانىڭ وڭىرلىك فيليال توراعاسى ن. وتەۋلين قاتىسۋشىلارعا ساتتىلىك تىلەپ, قوعامدىق جۇمىستا ۇزدىك شىققان بىرقاتار جاستاردى ماراپاتتادى.
جيىننىڭ ەرەكشە فورماتى رەتىندە جاساندى ينتەللەكت وكىلى − AiBatyr-دىڭ العى ءسوزى قاتىسۋشىلارعا تسيفرلىق تەحنولوگيانىڭ شىنايى مۇمكىندىكتەرىن پاش ەتتى.
جاستار كاسىپكەرلىگى: قولداۋ بار, قايتارىمى قالاي؟
سەميناردىڭ ساراپشىلىق بلوگىندا دامير مىڭايداروۆ پەن ناتاليا ابراموۆا جاساندى ينتەللەكتىنىڭ كۇندەلىكتى ءومىر مەن كاسىپكە اكەلەر پايداسىن پراكتيكالىق تۇرعىدا كورسەتتى.
اليا ورازىمبەتوۆا ينتەرنەتتەگى جەكە دەرەكتەردى قورعاۋ جانە كيبەرگيگيەنا مادەنيەتى تۋرالى ءدارىس وقىدى.
ەدگار ۆولودكين تسيفرلادىرۋ ۇدەرىسىندەگى زاماناۋي جي تەحنولوگيالاردىڭ ءرولىن ساراپتادى.
«اۋىل اماناتى» جاستاردى قولدايدى