استانادا ۇلتتىق مۋزەيدە سۋرەتشىلەر وداعىنىڭ مۇشەلەرىنىڭ قاتىسۋىمەن جاڭا كونستيتۋتسيا جوباسىن تالقىلاۋعا ارنالعان «اتا زاڭ – جارقىن ءومىر كەپىلى» اتتى دوڭگەلەك ۇستەل ءوتتى. تاعىلىمدى باسقوسۋعا 60-تان استام قاتىسۋشى جينالىپ, شىعارماشىلىق قاۋىم وكىلدەرى اتا زاڭنىڭ جاڭا جوباسىن قولدايتىندارىن جەتكىزدى, دەپ جازادى Egemen.kz.
ءىس-شارانىڭ اشىلۋىندا ءسوز سويلەگەن كورنەكتى سۋرەتشى, «استانا قالاسى سۋرەتشىلەر وداعى» قوعامدىق بىرلەستىگىنىڭ باسقارما توراعاسى ءومىرالى يسمايلوۆ كونستيتۋتسيانىڭ قوعام ومىرىندەگى ماڭىزىنا توقتالدى.
جازۋشىلار جاڭا كونستيتۋتسيانىڭ رۋحاني وزەگىن تالقىلادى
«اتا زاڭ – جارقىن ءومىر كەپىلى» تىركەسى جاي عانا ۇران ەمەس. ول قوعام دامۋىنىڭ ىرگەتاسىن قالايتىن نەگىزگى قۇندىلىقتاردى, ادام قادىر-قاسيەتىن, ەركىندىك پەن جاۋاپكەرشىلىكتى ايقىندايدى», دەدى ول.
كونستيتۋتسيا جوباسى پارتيالىق پىكىرتالاس تاقىرىبىنا اينالدى
جيىندا اقمارال يبراەۆا, ۇلتتىق مۋزەي ديرەكتورىنىڭ عىلىمي جۇمىستار جونىندەگى ورىنباسارى, جاڭا كونستيتۋتسيا جوباسىنىڭ مازمۇنىنا ەرەكشە نازار اۋداردى.
«كونستيتۋتسيا – مەملەكەتتىڭ تۇراقتىلىعىنىڭ, بولاشاعى مەن كەپىلىنىڭ نەگىزى. جاڭا جوباعا ونەر, ۇلتتىق قۇندىلىقتار جانە تاريحي-مادەني مۇراعا قاتىستى ماڭىزدى ۇعىمداردىڭ ەنۋى – اسا قۇندى باستاما», دەدى ول.
«اۋىل» پارتياسىنىڭ جاستارى كونستيتۋتسيالىق رەفورمانى قولدايدى
دوڭگەلەك ۇستەل بارىسىندا تانىمال سۋرەتشىلەر جاڭا كونستيتۋتسيا جوباسىنا قاتىستى وي-پىكىرلەرىن ورتاعا سالىپ, ونىڭ قازاقستاننىڭ دامۋىنا, اسىرەسە ونەر مەن مادەنيەت سالاسىنا تىڭ سەرپىن بەرەتىنىنە سەنىم ءبىلدىردى. قاتىسۋشىلار كونستيتۋتسيالىق رەفورمالاردىڭ رۋحاني كەڭىستىكتى جاڭعىرتۋداعى ءمانىن دە ەرەكشە اتاپ ءوتتى.