34 جاستاعى ازىلكەش نۇرلان سابۋروۆقا رەسەيگە 50 جىلعا كىرۋگە تىيىم سالىنعانى جانە ونىڭ اۋەجايدا ۇستالعانى حابارلاندى. بۇل شەكتەۋلەر ونىڭ ۋكرايناداعى سوعىسقا ايتقان سىنىنا بايلانىستى بولۋى مۇمكىن. سونداي-اق وعان كوشى-قون جانە سالىق زاڭناماسىن بۇزدى دەگەن ايىپ تاعىلعانى تۋرالى بولجام بار. اتالعان اقپارات رەسەيلىك Telegram-ارنالاردا تاراعان, دەپ جازادى Egemen.kz.
بۇدان بولەك, سابۋروۆتىڭ رەسەي اۋماعىندا جالپى قۇنى 60 ميلليون رۋبلدەن اساتىن مۇلكى بار ەكەنى انىقتالدى. ول رەسەيدە تاپقان قاراجاتىن دەلدالدار ارقىلى «جىلىستاتتى» دەگەن كۇدىككە ىلىنگەن.
Mash باسىلىمىنىڭ مالىمەتىنشە, ازىلكەش دۋبايعا دەپورتاتسيالانۋدان باس تارتىپ, ءوز ەركىمەن ەلگە قايتقان.
ايتا كەتەيىك, سابۋروۆ 2025 جىلى رەسەيدە كوشى-قون زاڭناماسىن بۇزىپ, ەلدە رۇقسات ەتىلگەن مەرزىمنەن ارتىق بولعان. ول كەزدە ايىپپۇلمەن عانا قۇتىلىپ, ەلدەن كەتۋگە جانە كەيىن بەلگىلەنگەن ءتارتىپ بويىنشا قايتا كىرۋگە ەكى اپتا ۋاقىت بەرىلگەن.
سونداي-اق وتكەن جىلى ازىلكەشتىڭ رەسەيدەگى كونتسەرتى بىرنەشە رەت توقتاتىلعان.
ازىلكەش نۇرلان قويانباەۆ جاڭا قىزمەتكە تاعايىندالدى